రొమాంటిక్ సాంగ్ లో ప్రగ్యాతో వరుణ్ రొమాన్స్

Posted: 09/17/2015 12:54 PM IST

ప్రముఖ దర్శకుడు క్రిష్ జాగర్లమూడి దర్శకత్వంలో తెరకెక్కుతున్న ప్రతిష్టాత్మక చిత్రం ‘కంచె’. వరుణ్ తేజ, ప్రగ్యా జైస్వాల్ జంటగా నటిస్తున్న ఈ చిత్రాన్ని ఫస్ట్ ఫ్రేమ్ ఎంటర్ టైన్ మెంట్ బ్యానర్ పై రాజీవ్ రెడ్డి, సాయిబాబు నిర్మాతలుగా ఈ ‘కంచె’ చిత్రం ప్రతిష్టాత్మంగా రూపొందుతోంది.

ఇప్పటికే ఈ చిత్ర ఫస్ట్ లుక్ పోస్టర్లు, ట్రైలర్లను విడుదల చేసారు. అయితే తాజాగా వినాయక చవితి సంధర్భంగా ఈ చిత్రంలోని ‘నిజమేనని...’ అనే పాట టీజర్ ను విడుదల చేసారు. ఈ టీజర్ విజువల్స్ బాగున్నాయి. ఈ చిత్ర ఆడియోను హైదరాబాద్ లో నేడు ఘనంగా విడుదల చేయనున్నారు. ఈ కార్యక్రమానికి మెగాపవర్ స్టార్ రామ్ చరణ్ తేజ్ ముఖ్యఅతిథిగా హాజరవుతున్నారు.

ఈ చిత్రంలోని అన్ని పాటలు సిరివెన్నెల సీతారామశాస్త్రి గారు రచించారు. చిరంతాన్ భట్ సంగీతాన్ని సమకూర్చారు. కంచె అనేది ఊళ్ళ మధ్యన, దేశాల మధ్యనే కాదు. మనుషుల మధ్యన, కుటుంబాల మధ్యన కూడా ఉండొచ్చునని దర్శకుడు క్రిష్ తెలిజేశారు. అక్టోబర్ 2న ప్రేక్షకుల ముందుకు తీసుకురానున్నారు.

నికితన్ ధీర్, అవసరాల శ్రీనివాస్, గొల్లపూడి, షావుకారు జానకి, సింగీతం శ్రీనివాస్,పోసాని కృష్ణమురళి, సత్యం రాజేష్, అనూప్ పూరి, మెరీనా టారా ఇతర తారాగణంగా నటిస్తోన్నఈ చిత్రానికి కొరియోగ్రఫీ: బృంద, స్టంట్స్: వెంకట్, డేవిడ్ కుబువా, ఎడిటర్స్: సూరజ్ జగ్ తాప్, రామకృష్ణ అర్రమ్, ఆర్ట్: సాహి సురేష్, డైలాగ్స్: సాయి మాధవ్ బుర్రా,సాహిత్యం: సీతారామశాస్త్రి, డైరెక్టర్ ఆఫ్ ఫోటోగ్రఫీ: జ్ఞాన‌శేఖ‌ర్‌, మ్యూజిక్: చిరంతన్ భట్ ,నిర్మాతలు: వై.రాజీవ్ రెడ్డి, జె.సాయిబాబు, దర్శకత్వం: క్రిష్.