ఈనెల 17న సాహసం ఆడియో విడుదల

Posted: 09/14/2015 04:19 PM IST

Prashanth saahasam tamil movie audio release date

త్రివిక్రమ్ దర్శకత్వంలో అల్లు అర్జున్, ఇలియానా జంటగా తెరకెక్కిన ‘జులాయి’ చిత్రం తెలుగులో మంచి విజయం సాధించిన విషయం తెలిసిందే. ప్రస్తుతం ఈ చిత్రాన్ని తమిళంలో ‘సాహసం’ పేరుతో రీమేక్ చేస్తున్నారు. ఇందులో ప్రశాంత్, అమంద హీరోహీరోయిన్లుగా నటిస్తున్నారు.

బాలీవుడ్ హాట్ భామ నర్గిస్ ఫక్రీ ఓ స్పెషల్ ఐటెం సాంగ్ లో అలరించనుంది. ఈ చిత్రానికి థమన్ సంగీతం అందిస్తున్నాడు. ఈ చిత్ర ఆడియోను ఈనెల 17వ తేదిన వినాయక చవితి సంధర్భంగా విడుదల చేయనున్నారు. ప్రశాంత్ తండ్రి, ప్రముఖ నటుడు త్యాగరాజన్ ఈ చిత్రాన్ని నిర్మిస్తున్నారు.

ప్రస్తుతం ఈ చిత్ర షూటింగ్ చివరి దశకు చేరుకుంది. పోస్ట్ ప్రొడక్షన్ కార్యక్రమాలు కూడా శరవేగంగా జరుగుతున్నాయి. ఇప్పటికే విడుదలైన ఫోటోలకు మంచి రెస్పాన్స్ వచ్చింది. త్వరలోనే ఈ చిత్రాన్ని ప్రేక్షకుల ముందుకు తీసుకురానున్నారు.