విదేశాల్లో చిందులేస్తున్న నిఖిల్ శంకరాభరణం

Posted: 08/17/2015 10:20 AM IST

Nikhil shankarabharanam movie motion poster

నటుడు నిఖిల్ హీరోగా నటిస్తున్న తాజా చిత్రం ‘శంకరాభరణం’. ‘స్వామిరారా’, ‘కార్తికేయ’, ‘సూర్య వర్సెస్ సూర్య’ వంటి వరుస హిట్ చిత్రాల నిఖిల్ నటిస్తున్న చిత్రమిదే. ఈ చిత్ర షూటింగ్ ఇటీవలే ప్రారంభమయ్యింది. ప్రస్తుతం ఈ చిత్ర షూటింగ్ విదేశాల్లో జరుగుతుంది.

ఇందులో నిఖిల్ సరసన తొలిసారిగా నందిత హీరోయిన్ గా నటిస్తుంది. ఇప్పటికే విడుదలైన ఫస్ట్ లుక్ పోస్టర్ కు మంచి స్పందన వచ్చింది. అయితే తాజాగా ఈ చిత్ర మోషన్ పోస్టర్ ను విడుదల చేసారు. MVV సినిమా బ్యానర్ పై నిర్మాత ఎంవివి సత్యనారాయణ నిర్మిస్తున్నారు.

ఈ చిత్రం ద్వారా ఉదయ్ నందనవనం దర్శకుడిగా పరిచయమవుతున్నాడు. ఈ చిత్రానికి ప్రముఖ రచయిత కోన వెంకట్ కథ, స్ర్కీన్ ప్లే, డైలాగ్స్ ను అందిస్తున్నారు. క్రైం కామెడీ నేపథ్యంలో రూపొందుతున్న ఈ చిత్ర షూటింగ్ శరవేగంగా జరుపుకొని, త్వరలోనే ప్రేక్షకుల ముందుకు రానుంది.