రుద్రమదేవి మలయాళం టైటిల్ లోగో విడుదల

Posted: 08/11/2015 12:15 PM IST

తెలుగు సినీ ఇండస్ట్రీలో తెరకెక్కుతున్న ప్రతిష్టాత్మక చిత్రం ‘రుద్రమదేవి’. ప్రముఖ దర్శకుడు గుణశేఖర్ స్వీయ దర్శకనిర్మాణంలో రూపొందుతున్న ఈ భారీ బడ్జెట్ చిత్రంలో అందాల భామ అనుష్క రుద్రమదేవిగా నటించింది. స్టైలిష్ స్టార్ అల్లు అర్జున్ ‘గోన గన్నారెడ్డి’ పాత్రలో నటించాడు. ఇప్పటికే షూటింగ్ పూర్తి చేసుకొని, పోస్ట్ ప్రొడక్షన్ కార్యక్రమాలు శరవేగంగా జరుపుకుంటోంది.

ఈ చిత్రాన్ని తెలుగు, తమిళం భాషలలో విడుదల చేయాలని అనుకున్నారు. కానీ తాజాగా ఈ చిత్రాన్ని మలయాళంలో కూడా విడుదల చేయడానికి ఏర్పాట్లు చేస్తున్నారు. ప్రస్తుతం మలయాళం వర్షెన్ కు సంబంధించిన డబ్బింగ్ పనులను కూడా మొదలుపెట్టేసారు.

ఎందుకంటే బన్నీకి మలయాళంలో కూడా భారీ క్రేజ్ వుండటంతో... మలయాళంలోకి కూడా ఈ చిత్రాన్ని అనువదిస్తున్నారు. తాజాగా మలయాళం వర్షెన్ కు సంబంధించిన టైటిల్ లోగోను చిత్ర యూనిట్ విడుదల చేసారు. ఈ చిత్రంలో రానా ఓ కీలక పాత్రలో నటించాడు. నిత్యామీనన్, ప్రకాష్ రాజ్, కృష్ణంరాజు తదితరులు ముఖ్య పాత్రలలో నటించారు.

ఇళయరాజా సంగీతం అందించిన ఈ చిత్ర ఆడియో ఇటవలే విడుదలై మంచి టాక్ ను సొంతం చేసుకుంది. అలాగే ట్రైలర్లకు మంచి రెస్పాన్స్ వస్తోంది. భారీ అంచనాలతో రూపొందుతున్న ఈ చిత్రాన్ని తెలుగు, తమిళం, మలయాళం భాషలలో సెప్టెంబర్ 4వ తేదిన ప్రపంచ వ్యాప్తంగా విడుదల చేయనున్నారు.