తమిళనాడు ముఖ్యమంత్రిగా రమ్యకృష్ణ

Posted: 08/09/2015 06:37 PM IST

ముఖ్యమంత్రి జయలలిత ప్రతిభావంతురాలు. చాలా ధైర్యవంతురాలు అంటూ పొగడ్తల వర్షం కరిపిస్తోంది దక్షిణాది నటి, లేడీ సూపర్ స్టార్ రమ్యక్రిష్ణ. నరసింహా చిత్రంలో నీలాంబరిగా రమ్యకృష్ణ అభినయం.. ఆ తరువాత పదిహేనేళ్లకు బాహుబలిలో శివగామిగా  నటవిశ్వరూపాన్ని ఎవరూ మర్చిపోలేరు. ఏ పాత్రలోనైనా ఇట్టే ఒదిగిపోయి.. నటించడంలో రమ్యకృష్ణకు రారు ఎవరు సాటి. సంబంధం లేకుండా ఈ ఉపోద్ఘాతం ఏమిటంటారా..? అమెకు తమిళనాడు ముఖ్యమంత్రి కావాలని వుందట. నిజంగానే అంటే నిజంగానే. అయితే అది కేవలం వెండి తెరపైనేనంటోంది.

జ‌య‌లలిత జీవితచరిత్ర ఆథారంగా తెర‌కెక్కే సినిమాలో రమ్యకృష్ణా.. జయలలిత పాత్రను పోషిస్తోంద‌ని వార్తలొచ్చాయి. జయలలిత ఆటోబయోగ్రఫీలో ఈ సీనియర్‌ యాక్టర్‌ నటిస్తోందంటూ కోలీవుడ్‌లో వర్గాలు గుసగుసలాడుతున్నాయి జ‌య‌ల‌లిత క్యారెక్టర్‌లో ర‌మ్య మ‌రోసారి మెప్పిస్తుంద‌న్న చ‌ర్చలు కూడా జ‌రిగుతున్నాయి. ఆ పాత్రకు ఆమె అయితేనే క‌రెక్ట్ అని..జ‌య‌ల‌లిత కూడా సినీ న‌టి కావ‌డంతో ఆ క్యారెక్టర్ లో ర‌మ్య క‌రెక్టుగా ఒదిగిపోతుంద‌ని అనుకున్నారు. అయితే ఈ వార్తల‌పై ర‌మ్య స్పందిస్తూ అవ‌న్నీ పుకార్లేన‌ని చెప్పేసింది. త‌న‌ను ఈ విష‌య‌మై ఎవ్వరు సంప్రదించ‌లేద‌ని..అలాంటే ఛాన్సే వ‌స్తే ఎగిరి గంతేస్తాన‌ని చెపుతోంది.

జి. మనోహర్