పండగలా దిగివచ్చిన నందమూరి బాలయ్య

Posted: 07/28/2015 04:42 PM IST

Nandamuri balakrishna meets elder lady fan

నందమూరి బాలకృష్ణ ఒక కుటుంబంలో నేడు పెద్ద పండగ వాతావరణాన్ని నెలకోల్పారు. ఒక వృద్దురాలిని చాలా సంతోషానికి గురిచేసారు. ఇంతకీ ఆ సంతోషకరమైన విషయం ఏమిటంటే... బాలయ్య ప్రస్తుతం శ్రీవాస్ దర్శకత్వంలో తెరకెక్కుతున్న ‘డిక్టేటర్’ చిత్రంలో నటిస్తున్నాడు. ఈ చిత్ర షూటింగ్ హైదరాబాద్ లోని గోపాలంపల్లి పరిసర ప్రాంతాల్లో జరుగుతుంది.

అయితే బాలయ్య షూటింగ్ జరుగుతుందని తెలుసుకున్న ఓ 90 ఏళ్ల వృద్ధురాలు... బాలయ్యను ఎలాగైనా చూడాలని అనుకుంది. కానీ ఆమెది నడవలేని పరిస్థితి. కానీ ఎలాగైనా బాలయ్యను చూడాలంటూ తన కుటుంబసభ్యులను కోరిందట.

అయితే ఈ విషయం తెలుసుకున్న బాలయ్య స్వయంగా ఆ వృద్ధురాలి ఇంటికి వెళ్లి, ఆ ఎన్టీఆర్ వీరాభిమానిని కలిసారు. ఆ వృద్ధురాలిని పలకరించి, క్షేమసమాచారాలు అడిగి తెలుసుకున్నారు. ఆవిడ కూడా బాలయ్య కుటుంబం గురించి అడిగి తెలుసుకున్నారు. ఆ తర్వాత ఎన్టీఆర్ ను మరియు బాలయ్యను ఆవిడ ప్రశంసించారు.

బాలయ్య తమ ఇంటికి రావడం చాలా సంతోషంగా వుందని, ఇలా తమతో కాసేపు గడపడం అస్సలు మర్చిపోలేమని ఆ కుటుంబ సభ్యులు తమ సంతోషాన్ని వ్యక్తం చేసారు. మొత్తానికి బాలయ్య సినిమాలు, రాజకీయాల్లోనే కాకుండా నిజ జీవితంలో కూడా మనసున్న బాలయ్య అంటూ మరోసారి నిరూపించుకున్నాడు.