ఆ హీరోతో రొమాన్స్ కి గ్రీన్ సిగ్నల్

Posted: 07/25/2015 12:54 PM IST

Samantha green signal nitin trivikram movie tollywood

ఇండిస్ట్రీలో ప్రస్తుతం యువతారల హవా కొనసాగుతుండటంతో స్టార్ హీరోయిన్ సమంతకు అవకాశాలు తగ్గుముఖం పట్టాయి. నిత్యం బిజీబిజీగా గడిపే ఈ అమ్మడు ఆమధ్య కాస్త స్లో అయిపోయింది. దీంతో ఈమె ఇమేజ్ పడిపోయిందని.. ఇక సమంత సినిమాల్లో కనిపించడం అరుదు అని అనుకున్నారు. కానీ.. ఆ ఊహాగానాలను తిప్పికొడుతూ సమంత మళ్లీ బిజీ అయిపోయింది. ఈ అమ్మడికి మళ్లీ వరుసగా ఆఫర్లు వచ్చి పడుతున్నాయి. ఇప్పటికే మహేష్ బాబు సరసన ‘బ్రహ్మోత్సవం’ సినిమాలో కథానాయికగా ఎంపికైన ఈ బబ్లీ బ్యూటీ.. తాజాగా మరో భారీ ఆఫర్ ని దక్కించుకుంది.

వివరాల్లోకి వెళ్తే.. మాటల మాంత్రికుడు త్రివిక్రమ్ శ్రీనివాస్ దర్శకత్వంలో నితిన్ హీరోగా ఓ సినిమా తెరకెక్కుతున్న విషయం తెలిసిందే! ఈ సినిమాకోసం చాలామంది హీరోయిన్లను అన్వేషించిన అనంతరం తన ఫేవరైట్ హీరోయిన్ సమంతాని త్రివిక్రమ్ ఎంపిక చేసుకున్నట్లు సమాచారం. ఈ ఆఫర్ రావడంతో సమంతా ఏమాత్రం ఆలస్యం చేయకుండా వెంటనే ఒప్పేసుకుందట. ఈ సినిమాలో ఆమె పాత్రకు చాలా ఇంపార్టెన్స్ వుంటుందని అంటున్నారు. నిజానికి త్రివిక్రమ్ సినిమాల్లో హీరోయిన్లకు ఏదో ఒక లోపం వుంటుంది. కానీ.. ఈ సినిమాలో మాత్రం అందుకు భిన్నంగా సమంతా పాత్ర వుంటుందని చెబుతున్నారు. హీరో నితిన్ కి సమానంగానే ఆమె పాత్ర ఈ సినిమాలో కొనసాగుతుందని యూనిట్ వర్గాలు తెలుపుతున్నాయి.