బాహుబలిలో త్రిష లేదంటే నయనతార హల్చల్

Posted: 07/11/2015 10:44 AM IST

Trisha illana nayanthara movie trailer in baahubali

ప్రభాస్, రానా, అనుష్క, తమన్నా, రమ్యకృష్ణ ప్రధాన పాత్రలలో నటించిన ‘బాహుబలి’ చిత్రం నిన్న ప్రపంచ వ్యాప్తంగా గ్రాండ్ గా విడుదల చేసారు. ఎస్.ఎస్.రాజమౌళి దర్శకత్వంలో రూపొందిన ఈ ‘బాహుబలి’ చిత్రాన్ని తెలుగుతో పాటు తమిళం, మలయాళం, హిందీ భాషలలో కూడా విడుదల చేసారు.

తమిళంలో ‘బాహుబలి’ చిత్రాన్ని ప్రముఖ నిర్మాణ సంస్థలు అయినటువంటి స్టూడియో గ్రీన్ మరియు యువి క్రియేషన్స్ సంయుక్తంగా విడుదల చేసారు. తమిళంలో ‘బాహుబలి’ చిత్రం ప్రదర్శించబడుతున్న థియేటర్లలో ‘త్రిష ఇల్లానా నయనతార’(త్రిష లేదంటే నయనతార) చిత్ర ట్రైలర్ హల్చల్ చేస్తుంది. ‘బాహుబలి’ చిత్రం ప్రదర్శించబడుతున్న థియేటర్లలో ఇంటర్వెల్ సమయంలో ‘త్రిష ఇల్లానా నయనతార’ చిత్ర ట్రైలర్ ను ప్రదర్శిస్తున్నారు.

ప్రముఖ సంగీత దర్శకుడు జివి.ప్రకాష్ కుమార్ హీరోగా నటిస్తున్న ఈ చిత్ర ట్రైలర్ ఇటీవలే విడుదలయ్యింది. ఆనంది, మనీషాయాదవ్ హీరోయిన్లుగా నటిస్తున్నారు. అధిక్ రవిచంద్రన్ దర్శకుడిగా పరిచయమవుతున్న ఈ చిత్రాన్నిజయకుమార్ నిర్మిస్తున్నారు.

ఇందులో సిమ్రాన్ ఓ కీలక పాత్రలో నటిస్తుంది. ఇటీవలే ఆడియో విడుదలై మంచి టాక్ ను సొంతం చేసుకుంది. ‘బాహుబలి’ సినిమా ప్రదర్శించే థియేటర్లలో తమ చిత్ర ట్రైలర్ ను ప్రదర్శించడానికి అవకాశం కల్పించినందుకు నిర్మాత కె.ఈ.జ్ఞానవేల్ రాజాకు ‘త్రిష ఇల్లానా నయనతార’ చిత్ర నిర్మాతలు కృతజ్ఞతలు తెలియజేసారు. తమిళంలో కూడా ‘బాహుబలి’ దుమ్మురేపుతోంది. అన్నిచోట్ల కూడా హౌస్ ఫుల్ కలెక్షన్లతో భీభత్సం సృష్టిస్తుంది. మొత్తానికి తెలుగులోనే కాకుండా అన్ని భాషలలో కూడా ‘బాహుబలి’ భారీగా దాడి చేస్తుంది.