సల్మాన్ ఖాన్ పార్టీ అదిరిపోయిందోచ్!

Posted: 07/04/2015 11:30 AM IST

బాలీవుడ్ సినీ అభిమానులంతా ఎంతగానో ఎదురుచూస్తున్న చిత్రం ‘భజ్రంగీ భైజాన్’. బాలీవుడ్ స్టార్ హీరో సల్మాన్ ఖాన్ నటిస్తున్న ఈ చిత్రంపై భారీ అంచనాలు నెలకొన్నాయి. అయితే ప్రస్తుతం రంజాన్ మాసం ప్రారంభమైన విషయం తెలిసిందే. కాబట్టి అభిమానుల కోసం సల్మాన్ ఖాన్ తన పాటతో పార్టీని ఇచ్చాడు.

తాజాగా ఈ సినిమాలోని ‘ఆజ్ కీ పార్టీ.. మేరీ తరఫ్ సే..’ అనే పాటను విడుదల చేసారు. రంజాన్ మాసం సంధర్భంగా అభిమానులందరికి సల్లూభాయ్ ఈ పాట ద్వారా పార్టీ ఇచ్చాడు. ఈ పాటకు ప్రస్తుతం భారీ క్రేజ్ ఏర్పడింది. ఈ పాట యూట్యూబ్ లో దుమ్మురేపుతోంది.

భారీ అంచనాలతో రూపొందుతున్న ఈ చిత్రాన్ని స్వయంగా సల్మాన్ ఖాన్ నిర్మిస్తున్నాడు. కబీర్ ఖాన్ దర్శకత్వంలో తెరకెక్కుతున్న ఈ చిత్రానికి ప్రీతమ్ సంగీతం అందిస్తున్నాడు. ఈ చిత్రాన్ని ప్రపంచ వ్యాప్తంగా జులై నెలలో విడుదల చేయడానికి సన్నాహాలు చేస్తున్నారు. త్వరలోనే అధికారికంగా ప్రకటించనున్నారు.