తమిళంలో కూడా బాహుబలి సెన్సార్ పూర్తి

Posted: 07/03/2015 09:56 AM IST

Prabhas baahubali tamil movie censor report

ప్రభాస్, రానా, అనుష్క, తమన్నా ప్రధాన పాత్రలలో ఎస్.ఎస్.రాజమౌళి దర్శకత్వంలో తెరకెక్కిన ‘బాహుబలి - ది బిగెనింగ్’ చిత్రం ఈనెల 10వ తేదిన గ్రాండ్ గా విడుదలకానున్న విషయం తెలిసిందే. ప్రపంచ వ్యాప్తంగా భారీ క్రేజ్ ను దక్కించుకున్న ఈ సినిమా విడుదల కోసం సినీ అభిమానులు ఎంతగానో ఎదురుచూస్తున్నారు.

తెలుగుతో పాటు తమిళం, హిందీ, మలయాళం భాషలలో ఈ చిత్రాన్ని విడుదల చేయనున్నారు. ఇప్పటికే ఈ చిత్ర తెలుగు వర్షెన్ సెన్సార్ కార్యక్రమాలను పూర్తి చేసుకొని U/A సర్టిఫికెట్ ను దక్కించుకుంది. అయితే తాజాగా తమిళ వర్షెన్ సెన్సార్ కార్యక్రమాలు కూడా పూర్తయ్యాయి. తమిళ వర్షెన్ లో కూడా U/A సెన్సార్ సర్టిఫికెట్ లభించింది.

‘బాహుబలి’ తమిళ వర్షన్‌ను స్టూడియో గ్రీన్ సంస్థ భారీ ఎత్తున విడుదల చేయనుంది. ఈ చిత్రానికి కీరవాణి సంగీతం అందించాడు. ఇప్పటికే విడుదలైన పాటలు, ట్రైలర్లు సంచలనం సృష్టిస్తున్నాయి. భారీ బడ్జెట్ తో ప్రతిష్టాత్మకంగా రూపొందిన ఈ చిత్రాన్ని ఆర్కా మీడియా సంస్థ నిర్మించింది.

భారీ అంచనాలతో రూపొందిన ఈ చిత్రం ప్రపంచ వ్యాప్తంగా తెలుగు, తమిళ, హిందీ, మలయాళ భాషలలో జులై 10న భారీ ఎత్తున విడుదల కానుంది. ఇప్పటికే ఈ చిత్ర ప్రమోషన్ కార్యక్రమాలు భారీగా జరుగుతున్నాయి. ఇందులో రమ్యకృష్ణ, నాజర్, సత్యరాజ్, ప్రభాకర్ తదితరులు కీలక పాత్రలలో నటించారు.