గోదావరి పుష్కారాల సంధర్భంగా చెర్రీ ఎయిర్ వేస్

Posted: 07/03/2015 10:16 AM IST

మెగాపవర్ స్టార్ రాంచరణ్ తేజ టాలీవుడ్ సినీ ఇండస్ట్రీలో తనకంటూ ఓ ప్రత్యేక ఇమేజ్ ను సొంతం చేసుకొని, స్టార్ హీరోల్లో ఒకరిగా కొనసాగుతున్నాడు. చరణ్ ఇటీవలే బిజినెస్ రంగంలోకి కూడా ఎంట్రీ ఇచ్చిన విషయం తెలిసిందే. ‘టర్బో మెగా’ పేరుతో ఓ ఎయిర్ వేస్ సంస్థను ప్రారంభించారు.

ఇందులో రాంచరణ్ తన స్నేహితుడు ఉమేష్ తో కలిసి భాగస్వామిగా వున్నారు. ఈ ఎయిర్ వేస్ కు ‘ట్రూ జెట్’ అనే పేరును ఖరారు చేసారు. ఇందులో భాగంగా గోదావరి పుష్కరాల సంధర్భంగా ఈ ఎయిర్ వేస్ ను ప్రారంభించనున్నారు. మొదటి ఎయిర్ వేస్ ను హైదరాబాద్ నుంచి రాజమండ్రి పంపనున్నట్లుగా తెలిసింది.

పుష్కారాల కారణంగా ప్రజల సౌకర్యార్థం చరణ్ ఇలాంటి నిర్ణయం తీసుకున్నట్లుగా తెలిసింది. ఈ ఎయిర్ వేస్ గురించి చరణ్ త్వరలోనే అధికారికంగా అన్ని వివరాలను తెలియజేయనున్నాడు. చరణ్ హీరోగా ప్రస్తుతం శ్రీనువైట్ల దర్శకత్వంలో ఓ చిత్రం తెరకెక్కుతోంది. ప్రస్తుతం ఈ చిత్ర షూటింగ్ హైదరాబాద్ లో శరవేగంగా జరుగుతోంది. త్వరలోనే ప్రేక్షకుల ముందుకు రానుంది.