మహేష్ ఆఫర్ మిస్సయినందుకు రకూల్ ఫీలవుతోందట

Posted: 06/30/2015 04:04 PM IST

‘వెంకటాద్రి ఎక్స్ ప్రెస్’ చిత్రం హిట్టుతో వరుస అవకాశాలను దక్కించుకుంటోంది లక్కీ హీరోయిన్ రకూల్ ప్రీత్ సింగ్. ఈ అమ్మడు నటించిన సినిమాలన్నీ కూడా బ్లాక్ బస్టర్ హిట్టు అవుతుండడంతో గోల్డెన్ లెగ్ హీరోయిన్ గా టాలీవుడ్ లో సెటిల్ అయిపోయింది. ప్రస్తుతం ఈ అమ్మడు వరుస చిత్రాలతో బిజీగా వుంది.

అయితే లక్కీ హీరోయిన్ గా కొనసాగుతున్న ఈ అమ్మడికి టాలీవుడ్ ప్రిన్స్ మహేష్ బాబు సినిమాలో హీరోయిన్ గా ఆఫర్ వచ్చింది. శ్రీకాంత్ అడ్డాల దర్శకత్వంలో మహేష్ బాబు హీరోగా ‘బ్రహ్మోత్సవం’ చిత్రం తెరకెక్కుతున్న విషయం తెలిసిందే. ఇందులో హీరోయిన్ గా ముందుగా రకూల్ ను సంప్రదించారు. కానీ ఈ సినిమా కోసం కాల్ షీట్స్ సర్దుబాటు చేయలేక ఈ ప్రాజెక్టును తిరస్కరించింది రకూల్.

ఈ విషయంపై తాజాగా రకూల్ స్పందిస్తూ.. మహేష్ ‘బ్రహ్మోత్సవం’ కోసం నేను డేట్స్ ఇచ్చాను. ఈ చిత్ర టీం జులై నెలలోనే కావాలన్నారు. కానీ ప్రస్తుతం చరణ్, ఎన్టీఆర్ సినిమాలతో బిజీగా వున్నాను. జులై నెలలో నేను ఈ రెండు చిత్రాలతో బిజీగా వుండటం వల్ల ఈ ప్రాజెక్టు నుంచి తప్పుకోవాల్సి వచ్చిందని చెప్పుకొచ్చింది.

మొత్తానికి మహేష్ తో వచ్చిన ఆఫర్ పోయిందని రకూల్ బాగానే బాధపడుతోంది. ఈ అమ్మడికి లక్కు బాగా వుంటే త్వరలోనే మళ్లీ మహేష్ తో కలిసి నటిస్తుందో లేదో చూడాలి. ప్రస్తుతం రకూల్ నటించిన ‘కిక్2’ చిత్రం విడుదలకు సిద్ధమవుతోంది. త్వరలోనే ఈ చిత్రం ప్రేక్షకుల ముందుకు రానుంది.