జులై 3న కమల్ పాపనాశం విడుదల

Posted: 06/25/2015 10:01 AM IST

Kamal haasan papanasam movie release date

కమల్ హాసన్, గౌతమి ప్రధాన పాత్రలలో నటిస్తున్న తాజా చిత్రం ‘పాపనాశం’. మలయాళంలో ఘనవిజయం సాధించిన ‘దృశ్యం’ చిత్రానికి రీమేక్ ఇది. మలయాళ ‘దృశ్యం’ చిత్రానికి దర్శకత్వం వహించిన జీతూ జోసెఫ్ ఈ రీమేక్ కు కూడా దర్శకత్వం వహిస్తున్నాడు.

ఇటీవలే విడుదలైన ఫస్ట్ లుక్ పోస్టర్ మరియు ట్రైలర్ కు మంచి స్పందన వచ్చింది. తాజాగా ఈ చిత్ర ఆడియోను విడుదల చేసారు. పోస్ట్ ప్రొడక్షన్ కార్యక్రమాలను పూర్తి చేసుకొని విడుదలకు సిద్ధమయ్యింది. ఈ చిత్రాన్ని జులై 3న విడుదల చేయనున్నారు.

థ్రిల్లర్ తరహాలో రూపొందుతున్న ఈ చిత్రం తమిళంలో ఎలాంటి విజయం సాధించనుందో చూడాలి. మలయాళంలో తెరకెక్కిన ‘దృశ్యం’ చిత్రం ఇప్పటికే తెలుగు, కన్నడ భాషలలో రీమేక్ అయ్యి, మంచి విజయాన్ని సొంతం చేసుకున్నాయి. హిందీలో కూడా రీమేక్ అవుతోంది. త్వరలోనే ఆ సినిమా కూడా ప్రేక్షకుల ముందుకు రానుంది.