మార్కెట్లోకి నేరుగా నేడే బాహుబలి తమిళ ఆడియో

Posted: 06/25/2015 10:04 AM IST

Baahubali movie tamil audio released to stores

ప్రముఖ దర్శకుడు ఎస్.ఎస్.రాజమౌళి దర్శకత్వంలో తెరకెక్కిన ‘బాహుబలి’ చిత్రం తెలుగు, తమిళ, హిందీ, మలయాళ భాషలలో ప్రపంచ వ్యాప్తంగా విడుదల కానున్న విషయం తెలిసిందే. ఈ చిత్రంలో ప్రభాస్, రానా, అనుష్క, తమన్నాలు ప్రధాన పాత్రలో నటించారు. రమ్యకృష్ణ, నాజర్, సత్యరాజ్, ప్రభాకర్, అడవి శేష్ లు ముఖ్య పాత్రలలో నటించారు.

ఎం.ఎం.కీరవాణి సంగీతం అందించిన ఈ చిత్ర తెలుగు ఆడియో ఇప్పటికే విడుదలై, తెలుగులో బ్లాక్ బస్టర్ హిట్టయ్యింది. ఈ చిత్ర తమిళ వర్షెన్ ఆడియో ఈరోజు నేరుగా మార్కెట్లోకి విడుదల కానుంది. ఇప్పటికే విడుదలైన ‘బాహుబలి’ తమిళ వర్షెన్ ట్రైలర్ కు భారీ స్పందన వస్తోంది. ఇప్పటికే తమిళంలో ‘బాహుబలి’ చిత్ర ప్రమోషన్ కార్యక్రమాలు భారీగా మొదలయ్యాయి.

భారీ అంచనాలతో రూపొందుతున్న ఈ చిత్రాన్ని జులై 10న ప్రపంచ వ్యాప్తంగా నాలుగు భాషల్లో గ్రాండ్ గా విడుదల చేయనున్నారు. ఆర్కా మీడియా బ్యానర్ పై భారీ బడ్జెట్ తో ప్రతిష్టాత్మకంగా నిర్మించిన ఈ చిత్రం కోసం ప్రపంచ వ్యాప్తంగా సినీ అభిమానులు ఎంతగానో ఎదురుచూస్తున్నారు.