అరే పరేషాన్ కాకండి.. ఆలీయాకు ఏం కాలేదు!

Posted: 06/22/2015 05:18 PM IST

బాలీవుడ్ హాట్ బ్యూటీ ఆలీయాభట్ కు గాయాలయ్యాయి. అయితే కంగారుపడాల్సిన అవసరం ఏం లేదు. ప్రస్తుతం తాను హాస్పిటల్లో చికిత్స తీసుకుంటోంది. ఆలీయాభట్ నటిస్తున్న తాజా చిత్రం ‘కపూర్ అండ్ సన్స్’.

సిద్ధార్థ్ మల్హోత్రా హీరోగా నటిస్తున్న ఈ చిత్రంలో ఆలీయాభట్ హీరోయిన్ గా నటిస్తుంది. కరణ్ జోహర్ నిర్మిస్తున్న ఈ చిత్రానికి శకున్ భాత్రా దర్శకత్వం వహిస్తున్నాడు. ఈ చిత్ర షూటింగ్ తమిళనాడు ప్రాంతంలోని ‘కూనూర్’ లో జరుగుతోంది. ఈ చిత్ర షూటింగ్ సమయంలో ఆలీయాభట్ చిన్నపాటి ప్రమాదానికి గురయ్యింది.

ఆమె కుడి భుజానికి గాయమయ్యింది. అయితే ఈ విషయంపై ఆలీయాభట్ సోషల్ మీడియా ద్వారా తన ఆరోగ్య వివరాలను తెలియజేసింది. గాయం చిన్నదేనని, త్వరలోనే కోలుకుంటానని, కంగారపడాల్సిన అవసరం లేదంటూ ఆలీయా తన సోషల్ మీడియా అకౌంట్ ట్విట్టర్ ద్వారా తెలియజేసింది.