లాంఛనంగా నాని కొత్త సినిమా ప్రారంభం

Posted: 06/22/2015 01:24 PM IST

Nani 14 reels entertainment new movie launched

నాని నటించిన ‘ఎవడే సుబ్రహ్మణ్యం’, ‘జెండాపై కపిరాజు’ చిత్రాలకు మంచి టాక్ లభించినప్పటికీ, కమర్షియల్ గా మాత్రం విజయం సాధించలేకపోయాయి. దీంతో నాని మళ్లీ ఓ కమర్షియల్ హిట్ కోసం ఎదురుచూస్తున్నాడు. నాని హీరోగా 14 రీల్స్ ఎంటర్టైన్మెంట్ బ్యానర్లో ఓ చిత్రం తెరకెక్కనున్న విషయం తెలిసిందే.

ఈ చిత్రం నేడు లాంఛనంగా ప్రారంభమయ్యింది. 14 రీల్స్ ఎంటర్టైన్మెంట్ బ్యానర్ పై రామ్ ఆచంట – గోపి ఆచంట – అనిల్ సుంకర సంయుక్తంగా నిర్మిస్తున్నారు. ఈ చిత్రానికి హను రాఘవపూడి దర్శకత్వం వహిస్తున్నాడు. లవ్ ఎంటర్ టైనర్ గా రూపొందనుందని తెలిసింది. త్వరలోనే అన్ని వివరాలు అధికారికంగా ప్రకటించనున్నారు.

నాని ప్రస్తుతం ‘భలే భలే మగాడివోయ్’ సినిమాలో నటిస్తున్నాడు. మారుతి దర్శకత్వంలో తెరకెక్కుతున్న ఈ చిత్రంలో నాని సరసన లావణ్య త్రిపాఠీ హీరోయిన్ గా నటిస్తుంది. ఈ చిత్ర షూటింగ్ దాదాపు చివరి దశకు చేరుకుంది. త్వరలోనే ప్రేక్షకుల ముందుకు రానుంది.