అంచనాలు పెంచేస్తున్న నయనతార మాయ ట్రైలర్

Posted: 06/19/2015 10:53 AM IST

కోలీవుడ్ స్టార్ హీరోయిన్ నయనతార నటిస్తున్న తొలి హర్రర్ థ్రిల్లర్ తమిళ చిత్రం ‘మాయ’. ఈ చిత్రాన్ని తెలుగులో ‘మయూరి’ పేరుతో అనువదిస్తున్నారు. లేడి ఓరియెంటెడ్ హర్రర్ థ్రిల్లర్ చిత్రంగా రూపొందుతున్న ‘మాయ’ చిత్ర తమిళ ట్రైలర్ ను తాజాగా విడుదల చేసారు. ఇందులో నయనతార లుక్స్ సూపర్.

ట్రైలర్ చూస్తుంటేనే ఆసక్తి పెరిగిపోతుంది. ఈ సినిమా ఎలా వుండబోతుందా అనే ఆసక్తి మరింతగా పెంచేస్తోంది. ఇందులో నయనతార ఓ బిడ్డకు తల్లిగా నటిస్తుంది. ఈ చిత్రం ద్వారా అశ్విన్ శరవణన్ దర్శకుడిగా పరిచయమవుతున్నాడు.

‘అనామిక’ తర్వాత నయనతార నటిస్తున్న లేడి ఓరియెంటెడ్ చిత్రమిదే. ఈ చిత్రాన్ని తెలుగు, తమిళ భాషలలో విడుదల చేయనున్నారు. త్వరలోనే తెలుగు వర్షెన్ ట్రైలర్ ను కూడా విడుదల చేయనున్నారు. షూటింగ్ చివరి దశకు చేరుకుంది. త్వరలోనే ప్రేక్షకుల ముందుకు రానుంది.