చిరు వాయిస్ ఓవర్ వీడియోకు భారీ క్రేజ్

Posted: 06/19/2015 10:35 AM IST

అందాల భామ అనుష్క, స్టైలిష్ స్టార్ అల్లు అర్జున్, రానా ప్రధాన పాత్రలలో ప్రముఖ దర్శకుడు గుణశేఖర్ దర్శకత్వంలో రూపొందుతున్న తాజా చిత్రం ‘రుద్రమదేవి’. భారీ బడ్జెట్ తో ప్రతిష్టాత్మకంగా రూపొందుతున్న ఈ చిత్ర షూటింగ్ ఇప్పటికే పూర్తయ్యింది. ప్రస్తుతం ప్రోస్ట్ ప్రొడక్షన్ కార్యక్రమాలు పూర్తి చేసుకొని, విడుదలకు సిద్ధమవుతోంది.

ఈ చిత్రానికి మెగాస్టార్ చిరంజీవి వాయిస్ ఓవర్ ను అందించిన విషయం తెలిసిందే. చిరుకు ‘రుద్రమదేవి’ చిత్ర యూనిట్ మరియు అల్లు అర్జున్ లు ప్రత్యేక కృతజ్ఞతలు కూడా తెలియజేసారు. అయితే చిరంజీవి వాయిస్ అందించిన సమయంలో షూట్ చేసిన ఓ వీడియోను చిత్ర యూనిట్ విడుదల చేసింది. ఆ వీడియో మీకోసం అందిస్తున్నాం. మీరు ఓ లుక్కేయండి.

భారీ బడ్జెట్ తో ప్రతిష్టాత్మకంగా రూపొందుతున్న ఈ చిత్రంలో రుద్రమదేవి పాత్రలో అనుష్క నటిస్తుంది. గోన గన్నారెడ్డి పాత్రలో అల్లు అర్జున్ నటిస్తున్నాడు. రానా, నిత్యామీనన్, ప్రకాష్ రాజ్, కృష్ణంరాజు తదితరులు ముఖ్య పాత్రలలో నటించారు. ఇటీవలే విడుదలైన ట్రైలర్లు, పాటలకు భారీ స్పందన వస్తోంది. ఈ చిత్రాన్ని త్వరలోనే ప్రేక్షకుల ముందుకు తీసుకురానున్నారు.