మరాఠీ రీమేక్ లో కలెక్షన్ కింగ్ మోహన్ బాబు

Posted: 06/16/2015 10:09 AM IST

ప్రముఖ నటుడు, నిర్మాత కలెక్షన్ కింగ్ మంచు మోహన్ బాబు త్వరలోనే మరోసారి తన నటనతో అలరించడానికి సిద్ధమవుతున్నారు. మోహన్ బాబు ప్రధాన పాత్రలో ప్రముఖ దర్శకుడు శ్రీనివాస్ రెడ్డి దర్శకత్వంలో ఓ చిత్రం తెరకెక్కనుందని గతకొద్ది రోజులుగా వార్తలొస్తున్న విషయం తెలిసిందే.

అయితే ఈ విషయంపై మోహన్ బాబు తాజాగా ఓ క్లారిటీ ఇచ్చేసారు. మోహన్ బాబు నటించిన ‘పెదరాయుడు’ చిత్రం ఇరవై ఏళ్లు పూర్తి చేసుకున్న సంధర్భంగా... ఆయన తన కొత్త సినిమా విషయాలను మీడియాతో పంచుకున్నారు. ఇటీవలే ఓ మరాఠీ చిత్రానికి సంబంధించిన తెలుగు రీమేక్ హక్కులను తీసుకున్నట్లుగా ఆయన తెలిపారు.

ఈ రీమేక్ చిత్రానికి ప్రముఖ కామెడీ చిత్రాల దర్శకుడు శ్రీనివాస్ రెడ్డి దర్శకత్వం వహించనున్నారని మోహన్ బాబు తెలిపారు. అయితే ఆ మరాఠీ సినిమా ఏదై వుంటుందా అని సినీవర్గాల్లో ఊహాగానాలు మొదలయ్యాయి. మరి ఆ వివరాలను త్వరలోనే అధికారికంగా ప్రకటించనున్నారు.