నందిని, నాగశౌర్య, మాళవికల సినిమా ముచ్చట్లు

Posted: 06/16/2015 10:32 AM IST

‘అలా మొదలైంది’ సినిమాతో మంచి విజయాన్ని అందుకున్న దర్శకురాలు నందిని రెడ్డి. ఈ చిత్రంతో విమర్శకుల ప్రశంసలు కూడా అందుకుంది. ఆ తర్వాత ‘జబర్దస్త్’ వంటి అట్టర్ ఫ్లాప్ సినిమా తీసింది. ఈ సినిమా తర్వాత మళ్లీ కొత్త సినిమా తీయడానికి చాలా సమయమే పట్టింది. ప్రస్తుతం నాగశౌర్య హీరోగా నందినిరెడ్డి ఓ చిత్రం తెరకెక్కిస్తుంది.

వరుస హిట్ చిత్రాలతో మంచి జోరు మీదున్న నాగశౌర్యతో నందినిరెడ్డి ఓ డిఫరెంట్ లవ్ ఎంటర్ టైనర్ చిత్రాన్ని తెరకెక్కిస్తోంది. ఇందులో ‘ఎవడే సుబ్రమణ్యం’ ఫేం మాళవిక నాయర్ హీరోయిన్ గా నటిస్తుంది. ప్రముఖ సంగీత దర్శకుడు కళ్యాణ్ కోడూరి సంగీతం అందిస్తున్నారు.

ప్రస్తుతం ఈ చిత్ర షూటింగ్ హైదరాబాద్ లో శరవేగంగా జరుగుతోంది. ఈ చిత్రానికి ఇంకా ఎలాంటి టైటిల్ అనుకోలేదు. త్వరలోనే అన్ని వివరాలు ప్రకటించనున్నారు. నాగశౌర్య నటించిన ‘జాదుగాడు’ చిత్రం విడుదలకు సిద్ధంగా వుంది. త్వరలోనే ప్రేక్షకుల ముందుకు రానుంది.