మే 29న పక్కాగా రానున్న పండగచేస్కో

Posted: 05/18/2015 11:02 AM IST

ఎనర్జిటిక్ స్టార్ హీరో రామ్ హీరోగా రకూల్ ప్రీత్ సింగ్, సోనాల్ చౌహన్ హీరోయిన్లుగా నటించిన తాజా చిత్రం ‘పండగచేస్కో’. గోపిచంద్ మలినేని దర్శకత్వంలో తెరకెక్కుతున్న ఈ చిత్రాన్ని యునైటెడ్ మూవీస్ బ్యానర్లో నిర్మాత పరుచూరి కిరిటీ నిర్మిస్తున్నారు.

థమన్ సంగీతం అందించిన ఈ చిత్ర ఆడియో ఇటీవలే విడుదలై మంచి టాక్ ను సొంతం చేసుకుంది. అలాగే ట్రైలర్ కు కూడా మంచి రెస్పాన్స్ వస్తోంది. కమర్షియల్ యాక్షన్ లవ్ ఎంటర్ టైనర్ గా రూపొందుతున్న ఈ చిత్రాన్ని మే 29న ప్రపంచ వ్యాప్తంగా భారీ ఎత్తున విడుదల చేయనున్నారు.

గతకొద్ది కాలంగా అసలే హిట్లులేని రామ్... ఈ ‘పండగచేస్కో’ చిత్రంపై భారీ ఆశలే పెట్టుకున్నాడు. ఈ సినిమా మంచి ఘనవిజయం సాధించనుందని చిత్ర యూనిట్ పూర్తి నమ్మకంతో వున్నారు. అలాగే బ్రహ్మనందం కామెడీ ఈ చిత్రానికి ప్లస్ పాయింట్ కానుందని చిత్ర యూనిట్ అంటున్నారు. మరి ‘పండగచేస్కో’ రామ్ కు ఎలాంటి విజయాన్ని అందించనుందో త్వరలోనే తెలియనుంది.