క్యాథెరిన్ తో రొమాన్స్ కు శింబు సిద్ధం

Posted: 05/13/2015 10:38 AM IST

కోలీవుడ్ స్టార్ హీరోయిన్ త్రిష ఇటీవలే సెల్వరాఘవన్ ప్రాజెక్టు నుంచి తప్పుకున్న విషయం తెలిసిందే. కోలీవుడ్ డైరెక్టర్ సెల్వరాఘవన్ దర్శకత్వంలో శింబు హీరోగా ఓ చిత్రం తెరకెక్కనుంది. ఇందులో ముందుగా త్రిషను హీరోయిన్ గా అనుకున్నారు. కానీ మరికొద్ది రోజుల్లో షూటింగ్ ప్రారంభం కాబోతుందనే సమయంలో... త్రిష తన డేట్స్ సర్దుబాటు కావడంలేదనే కారణంతో ఈ ప్రాజెక్టు నుంచి తప్పుకుంది.

దీంతో ఈ అవకాశం తాజాగా హాట్ భామ కాథెరిన్ త్రేసాకు దక్కింది. ‘ఇద్దరమ్మాయిలతో’ సినిమాలో భారీ హాట్ హాట్ తొండల అందాలను ప్రదర్శించిన కాథెరిన్... ఆ తర్వాత నటించిన ఏ సినిమా కూడా అంతగా విజయం సాధించలేకపోయాయి. అంతే కాకుండా తెలుగులో అంతంత మాత్రంగానే అవకాశాలు వస్తున్నాయి.

తాజాగా శింబు, సెల్వరాఘవన్ సినిమాలో ఆఫర్ రావడంతో ఎగిరి గంతేసినంత పనిచేస్తోంది. ఈ సినిమాలో ఆఫర్ రాగానే వెంటనే ఒప్పేసుకుందట. త్వరలోనే ఈ ప్రాజెక్టు సెట్స్ పైకి వెళ్లనుంది. ఇందులో మరో హీరోయిన్ గా తాప్సీ నటించనుంది. అన్ని వివరాలు త్వరలోనే అధికారికంగా ప్రకటించనున్నారు.