త్రిష, కాజల్, అంజలి కాంబినేషన్లో అరణ్మనై 2

Posted: 05/06/2015 11:57 AM IST

తమిళంలో ప్రముఖ దర్శకుడు సుందర్.సి దర్శకత్వంలో తెరకెక్కిన ‘అరణ్మనై’ చిత్రం ఇటీవలే విడుదలై ఘనవిజయం సాధించింది. ఈ చిత్రాన్ని తెలుగులో ‘చంద్రకళ’ పేరుతో విడుదల చేసారు. హన్సిక, ఆండ్రియా, రాయ్ లక్ష్మీ, సుందర్, వినయ్ ప్రధాన పాత్రలలో నటించిన ఈ చిత్రం తమిళంలో ఘనవిజయం సాధించింది.

అయితే ప్రస్తుతం ఈ చిత్రానికి సీక్వెల్ ను సిద్ధం చేస్తున్నాడు దర్శకుడు సుందర్. ఈ సీక్వెల్ స్టార్ హీరోలను ఎంపిక చేసారు. సిద్ధార్థ, త్రిష, కాజల్ అగర్వాల్, అంజలిలు నటించనున్నారు. ఈ విషయాన్ని ఇటీవలే త్రిష ఖరారు చేసింది. సుందర్ తో తొలిసారి పనిచేయబోతున్నందుకు చాలా సంతోషంగా వుందంటూ త్రిష తన సోషల్ మీడియా ద్వారా పోస్ట్ చేసింది.

‘అరణ్మనై’ చిత్రంలో వున్న నటీనటులు ఈ సీక్వెల్ లో నటించట్లేదని అర్థమవుతోంది. ప్రస్తుతం ఈ సీక్వెల్ చిత్రానికి సంబంధించిన ప్రీ ప్రొడక్షన్ పనులు శరవేగంగా జరుగుతున్నాయి. త్వరలోనే ఈ ప్రాజెక్టు సెట్స్ పైకి వెళ్లనుంది. ఈ చిత్రానికి సంబంధించిన మరిన్ని వివరాలు త్వరలోనే అధికారికంగా ప్రకటించనున్నారు.