మంచు లక్ష్మీ కొత్త టాక్ షో టైటిల్ ఖరారు

Posted: 05/05/2015 04:48 PM IST

కలెక్షన్ కింగ్ మోహన్ బాబు కూతురు ప్రముఖ నిర్మాత, నటి మంచు లక్ష్మీప్రసన్న ఈమధ్య వరుస సినిమాల ద్వారా సినీ ప్రేక్షకులకు బాగా సుపరిచితమే కానీ... సినిమాల్లో కంటే ముందుగా ‘ప్రేమతో మీ లక్ష్మీ’ టాక్ షో ద్వారా మంచు లక్ష్మీ టీవి ప్రేక్షకులకు చాలా దగ్గరయ్యారు. అయితే ఆ తర్వాత నిర్మాతగా, నటిగా బిజీ అవ్వడంతో టీవి షోలకు దూరమయ్యారు. కానీ మరోసారి తన టాక్ షో ద్వారా అలరించడానికి సిద్దమవుతుంది లక్ష్మీ.

అవును.. ఇటీవలే తన కొత్త చిత్రం ‘దొంగాట’ ప్రమోషన్ కార్యక్రమాల్లో పాల్గొన్న లక్ష్మీ... ఓ ఇంటర్వ్యూలో మాట్లాడుతూ.... ‘నేను – మనోజ్ కలిసి జీ టీవిలో ఒక టాక్ షో ప్లాన్ చేస్తున్నాం. ఆ షోకి ‘మంచు లక్ష్మీతో మళ్ళీ మళ్ళీ ఇది రాని రోజు’ అనే టైటిల్ పెట్టాము’ అని చెప్పుకొచ్చింది.

గతంలో లక్ష్మీ తన టాక్ షోల ద్వారా సెలబ్రెటీలను ప్రత్యేక ఇంటర్వ్యూలను తీసుకోవడం, వారి వ్యక్తిగత, సినీ జీవితాల గురించి చిట్ చాట్ ద్వారా అందరిని అలరించింది. మరి ఈసారి రాబోతున్న ఈ టాక్ షోను ఎలా ప్లాన్ చేస్తున్నారో తెలియాలంటే మరికొంత కాలం వేచిచూడాల్సిందే. ఈ సంధర్భంగా మంచులక్ష్మీకి ప్రత్యేకంగా ఆల్ ది బెస్ట్.