మే 6న దానవీర శూరకర్ణ ఆడియో విడుదల

Posted: 05/01/2015 10:41 AM IST

Daana veera soora karna 2015 audio release on 6 may

స్వర్గీయ నందమూరి జానకీరామ్ తనయుడు మాస్టర్ ఎన్టీఆర్ నటుడిగా పరిచయమవుతున్న తొలి చిత్రం ‘దానవీర శూరకర్ణ’. శ్రీసాయి జగపతి పిక్చర్స్, సంతోష్ ప్రొడక్షన్స్ బ్యానర్లపై నిర్మాతలు జె.బాలరాజు, చలసాని వెంకటేశ్వరరావు సంయుక్తంగా ఈ చిత్రాన్ని నిర్మిస్తున్నారు. జె.వి.ఆర్ దర్శకత్వంలో రూపొందుతున్న ఈ చిత్రానికి కౌసల్య సంగీతం అందిస్తున్నారు.

కౌసల్య సంగీతం అందించిన ఈ చిత్ర ఆడియోను ఈనెల 6వ తేదిన ఘనంగా విడుదల చేయనున్నారు. ఈ ఆడియో విడుదల కార్యక్రమానికి నందమూరి హరికృష్ణ, కళ్యాణ్ రామ్, ఎన్టీఆర్ లు ముఖ్య అతిథులుగా విచ్చేయనున్నారు. నందమూరి తారకరామారావు జయంతి సంధర్భంగా మే 28న ఈ చిత్రాన్ని విడుదల చేయనున్నారు.

ఇందులో మాస్టర్ ఎన్టీఆర్ కృష్ణుడి పాత్రలో, రెండో కుమారుడు సౌమిత్ర సహదేవుని పాత్రలో నటించారు. ఇద్దరు అద్భుతంగా నటించారని, తాతకు తగ్గ మనవళ్లుగా అనిపించుకుంటారని చిత్ర నిర్మాతలు చెప్పుకొచ్చారు. షూటింగ్ మొత్తం పూర్తయ్యింది. ప్రస్తుతం పోస్ట్ ప్రొడక్షన్ కార్యక్రమాలు జరుగుతున్నాయి.