స్టైలిష్ యాక్షన్ హీరోగా అఖిల్ టీజర్ అదుర్స్

Posted: 04/08/2015 11:07 AM IST

Akkineni akhil birthday special first look teaser

ప్రముఖ దర్శకుడు వి.వి.వినాయక్ దర్శకత్వంలో అక్కినేని అఖిల్ హీరోగా ఓ చిత్రం తెరకెక్కుతుంది. అన్నపూర్ణ స్టూడియోస్ సమర్పణలో శ్రేష్ఠ్ మీడియా పతాకంపై హీరో నితిన్ ఈ చిత్రాన్ని నిర్మిస్తున్నారు. నేడు (ఏప్రిల్ 8) అఖిల్ పుట్టినరోజు సంధర్భంగా ఈ చిత్ర ఫస్ట్ లుక్ టీజర్ ను విడుదల చేసారు. ఇందులో అఖిల్ చాలా మాసివ్ స్టైలిష్ గా వున్నాడు.

ఈ వీడియోలో చిత్ర సాంకేతిక నిపుణుల వర్కింగ్ తో పాటు చివర్లో అఖిల్ ఎంట్రీ చాలా స్టైలిష్ గా చూపించారు. ఇటీవలే ఓ భారీ ఇంట్రడక్షన్ యాక్షన్ సన్నీవేశాలను చిత్రీకరించారని వార్తలొచ్చిన విషయం తెలిసిందే. ఆ యాక్షన్ సన్నీవేశాలకు సంబంధించిన చిన్న టీజర్ ను ఈ వీడియోలో చివర్లో చూడవచ్చు.

లుక్స్ పరంగా, స్టైల్ పరంగా అఖిల్ ఇప్పటికే మంచి మార్కులు కొట్టేసాడు. మరి యాక్టింగ్, డైలాగ్ డెలివరీ, డాన్స్, ఫైట్స్ ఎలా చేయనున్నాడో త్వరలోనే తెలియనుంది. ఈ చిత్రానికి థమన్, అనూప్ లు సంగీతం అందిస్తున్నారు. కోన వెంకట్ – గోపి మోహన్ లు స్క్రీన్ ప్లే, మాటలు సమకూరుస్తున్నారు. త్వరలోనే అన్ని వివరాలు తెలియనున్నాయి.

అక్కినేని అఖిల్ పుట్టిరోజు సంధర్భంగా విడుదల చేసిన ఈ ప్రత్యేక వీడియో మీకోసం అందిస్తున్నాం. చూసి ఆనందించండి.