రేపే ఉత్తమ విలన్ తెలుగు ట్రైలర్

Posted: 03/18/2015 05:17 PM IST

‘విశ్వరూపం’ చిత్రం తర్వాత తమిళ అగ్ర స్టార్ హీరో కమల్ హాసన్ నటిస్తున్న చిత్రం ‘ఉత్తమ విలన్’. ప్రముఖ నటుడు రమేష్ అరవింద్ దర్శకత్వంలో రూపొందుతున్న ఈ సినిమాను తిరుపతి బ్రదర్స్, రాజ్ కమల్ సంస్థలు సంయుక్తంగా నిర్మిస్తున్నారు. ఈరోస్ ఇంటర్నేషనల్ భాగస్వామ్యం అందిస్తోంది.

ఇటీవలే విడుదలైన తమిళ ట్రైలర్, పాటలకు కు మంచి స్పందన వస్తోంది. కమల్ ద్విపాత్రాభినయం చేస్తున్న ఈ సినిమాలో ఆండ్రియా, పూజ కుమార్ లు హీరోయిన్లుగా నటిస్తున్నారు. అలాగే బాలచందర్, కె.విశ్వనాథ్, ఆండ్రియా, పూజ కుమార్, ఊర్వశి వంటి భారీతారాగణం నటించారు.

ఈ చిత్ర తెలుగు వర్షెన్ ట్రైలర్ ను రేపు విడుదల చేయనున్నట్లుగా తెలిసింది. అలాగే ఈ చిత్ర ఫస్ట్ లుక్ పోస్టర్లు, టైటిల్ లోగోను కూడా విడుదల చేయనున్నారని సమాచారం. ఈ చిత్ర తెలుగు వర్షెన్ కు సంబంధించిన వివరాలు కూడా అధికారికంగా ప్రకటించనున్నారు.