బ్రహ్మోత్సవం టైటిల్ ఖరారు చేసిన శ్రీకాంత్ అడ్డాల

Posted: 02/23/2015 04:49 PM IST

‘సీతమ్మ వాకిట్లో సిరిమల్లె చెట్టు’ సినిమా తర్వాత దర్శకుడు శ్రీకాంత్ అడ్డాల దర్శకత్వంలో మహేష్ బాబు హీరోగా ఓ చిత్రం తెరకెక్కనున్న విషయం తెలిసిందే. ఈ చిత్రానికి గతకొద్ది కాలంగా ‘బ్రహ్మోత్సవం’ అనే టైటిల్ అనుకుంటున్నట్లుగా వార్తలొస్తున్నాయి.

కానీ ఇప్పటివరకు ఎలాంటి అధికారిక ప్రకటన వెలువడలేదు. కానీ తాజాగా ఈ చిత్ర టైటిల్ ను దర్శకుడు శ్రీకాంత్ అడ్డాల ఖరారు చేసారు. శ్రీకాంత్ అడ్డాల ఇటీవలే కె.రాఘవేంద్రరావు గారి ‘సౌందర్యలహరి’ కార్యక్రమంలో మాట్లాడుతూ.. తన తరువాతి చిత్రం ‘బ్రహ్మోత్సవం’ అంటూ తెలియజేసారు.

మహేష్ హీరోగా శ్రీకాంత్ అడ్డాల దర్శకత్వంలో రూపొందనున్న తాజా చిత్రం టైటిల్ ‘బ్రహ్మోత్సవం’ అని ఖరారు చేసేసారు. మహేష్ సరసన హీరోయిన్ గా రకూల్ ప్రీత్ సింగ్ ను ఎంపిక చేసారు. ఈ చిత్రానికి సంబంధించిన మరిన్ని వివరాలు త్వరలోనే తెలియనున్నాయి.

ప్రస్తుతం కొరటాల శివ దర్శకత్వంలో రూపొందుతున్న సినిమాలో మహేష్ బిజీగా వున్నాడు. ఫ్యామిలీ, యాక్షన్ ఎంటర్ టైనర్ గా రూపొందబోతుంది. శృతిహాసన్ హీరోయిన్ గా నటిస్తున్న ఈ సినిమాలో జగపతిబాబు, రాజేంద్రప్రసాద్ లు కీలక పాత్రలలో నటిస్తున్నారు. దేవిశ్రీప్రసాద్ సంగీతం అందిస్తున్నారు. త్వరలోనే ప్రేక్షకుల ముందుకు రానుంది.