‘బీరువా’ నుంచి బయటపడి.. ‘గొలుసు’లో ఇరుక్కుంది!

Posted: 02/23/2015 01:04 PM IST

Surabhi beeruva actress ram gopal varma manchu manoj golusu movie jagapathi babu

ఇటీవల విడుదలైన ‘బీరువా’ చిత్రంలో కథానాయికగా నటించిన సురభి.. తన అందచందాలతో ప్రేక్షకులను బాగానే అలరించింది. దీంతో ఆమెకు అప్పుడే అవకాశాలు రావడం మొదలయ్యాయి. తాజాగా ఈ అమ్మడు వివాదాస్పద దర్శకుడు రాం గోపాల్ వర్మ దర్శకత్వంలో నటించే లక్కీ ఛాన్స్ ను కొట్టేసింది.

వర్మ దర్శకత్వంలో మంచు మనోజ్ హీరోగా ‘గొలుసు’ పేరిట చిత్రం రూపొందనున్న విషయం తెలిసిందే! ఈ చిత్రంలోనే సురభికి మనోజ్ సరసన కథానాయికగా నటించే అవకాశం దక్కింది. ప్రస్తుతం ఈ మూవీ షూటింగ్ హైదరాబాదులో జరుగుతోంది. ఇక.. వర్మ దర్శకత్వంలో నటించే ఆఫర్ వచ్చినందుకు సురభి ఉబ్బితబ్బిబవుతోంది. పైగా రాకింగ్ స్టార్ మనోజ్ పక్కగా హీరోయిన్ గా నటించే అవకాశం రావడంతో హ్యాపీగా ఫీల్ అవుతుంది. ఈ చిత్రం తనకు మరింత క్రేజ్ తెచ్చిపెడుతుందని ఆమె ఆశాభావం వ్యక్తం చేస్తోంది.

ఇక ఈ సినిమాలో జగపతిబాబు ఓ విలన్ పాత్రలో నటిస్తున్న సంగతి విదితమే! అలాగే వడ్డె నవీన్ చాలాకాలం తర్వాత ఈ చిత్రం ద్వారా రీఎంట్రీ ఇవ్వబోతున్నాడు. అతను కూడా ఇందులో నెగెటివ్ పాత్ర పోషించనున్నాడని సమాచారం!