ఈనెల 27కు వాయిదా పడ్డ అనేకుడు

Posted: 02/19/2015 03:44 PM IST

ధనుష్, అమైరా దస్తూర్ హీరోహీరోయిన్లుగా ‘రంగం’ ఫేం దర్శకుడు కె.వి.ఆనంద్ దర్శకత్వంలో రూపొందిన తాజా చిత్రం ‘అనేగన్’. ఈ చిత్రం ఇటీవలే ప్రపంచ వ్యాప్తంగా విడుదలై పాజిటివ్ టాక్ తో నడుస్తోంది. కల్పాత్తి.ఎస్, అగోరం సమర్పణలో ఎ.జి.ఎస్. ఎంటర్టైన్మెంట్ బ్యానర్లో రూపొందింది.

కల్పాత్తి ఎస్.అఘోరం, కల్పాత్తి ఎస్.గణేష్, ఎస్.కల్పాత్తి సురేష్ సంయుక్తంగా నిర్మిస్తున్నారు. భారీ అంచనాలతో తెరకెక్కిన ఈ చిత్రానికి హారీస్ జయరాజ్ సంగీతం అందించాడు. ఈ చిత్రాన్ని తెలుగులో ‘అనేకుడు’ పేరుతో విడుదల చేయనున్నారు. ‘అనేకుడు’ ఈనెల 20న విడుదల కావాలసింది. కానీ కొన్ని అనివార్య కారణాల వలన విడుదలను వాయిదా వేసారు.

‘అనేకుడు’ సినిమాను వారం రోజులు వాయిదా వేసారు. ఈ సినిమాను ఈనెల 27న విడుదల చేస్తున్నట్లుగా నిర్మాతలు ప్రకటించారు. ఇటీవలే విడుదలైన తెలుగు వర్షెన్ ట్రైలర్, పాటలకు మంచి స్పందన వస్తోంది. మరి సినిమా ఎలాంటి విజయం సాధించనుందో చూడాలి.