అరకొర ఆఫర్లున్న అమ్మడు బాగానే వేషాలేస్తోంది..?

Posted: 02/12/2015 12:31 PM IST

Neetu chandra dual role tamil movie offer director shaji kailas kollywood

‘విష్ణు’ మూవీతో ఇండస్ట్రీలో ఎంట్రీ ఇచ్చిన నీతూచంద్ర.. ‘గోదావరి’ చిత్రంతో మంచి నటిగా గుర్తింపు తెచ్చుకుంది. అయితే.. ఆ తర్వాత ఈమెకు తెలుగులో మరే ఆఫర్లు రాలేదు. దాంతో బాలీవుడ్, కోలీవుడ్’లలో అరకొర సినిమాలు చేసుకుంటూ కాలం గడుపుతోంది. ఓవైపు మూవీ ఆఫర్లు కోసం బాగానే తంటాలు పడుతోంది. ఈ నేపథ్యంలో ఈమెకు కోలీవుడ్ నుంచి ఓ ఆఫర్ వచ్చింది. అంతే! ఈ ఆఫర్ వచ్చిందో.. లేదో.. అమ్మడికి హద్దులే లేకుండా పోయాయి. నిన్నమొన్నటివరకు కేవలం అరకొర ఆఫర్లతో సతమతమవుతున్న ఈ అమ్మడికి పిలిచిమరీ ఆఫర్ ఇస్తే.. ఇప్పుడు వేషాలేస్తోందని కోలీవుడ్ సమాచారం!

అసలు విషయం ఏమిటంటే.. తమిళంలో అందివస్తున్న చిన్నచిన్న పాత్రలను వదులుకోకుండా నీతూచంద్ర నటిస్తూ వస్తోంది. ఆయా సీన్లలో తన అందాలను ఆరబోస్తూ హాట్’గా ప్రేక్షకులను వేడెక్కించేస్తోంది. ఈ క్రమంలోనే ప్రముఖ దర్శకుడు షాజీ కైలాస్ ఈమెకు తన సినిమాలో నటించే భారీ ఆఫర్ ఇచ్చాడు. ఇందులో ముఖ్యమైన విషయం ఏమిటంటే.. ఈ సినిమాలో అమ్మడు డబుల్ రోల్ వేస్తోంది. అంటే.. రెండు వేషాల్లో చిందులేయనుందన్నమాట! నిన్నటివరకు హీరోయిన్’గా అవకాశాలు రాక ఇబ్బంది పడుతున్న ఈ అమ్మడికి.. ఆ తమిళ దర్శకుడు ఏకంగా డబుల్ రోల్ ప్రధాన పాత్రల్లో నటించే అవకాశం ఇవ్వడంతో.. నీతూ ఆనందంతో పొంగిపోతోంది. పైగా.. తనకు ఈ విధంగా ఆఫర్ వచ్చినట్లు సంతోషంగా ధ్రువీకరిస్తోంది. త్వరలోనే షూటింగ్ ప్రారంభం కాబోతుందని స్పష్టం చేసింది!

‘‘కెరీర్లో మొదటిసారిగా ద్విపాత్రాభినయం చిత్రం చేస్తున్నాను. ఇది నాకు ఓ కొత్త అనుభవం అవుతుంది. కెరీర్ కి ఎంతగానో సపోర్ట్ చేస్తుంది. ప్రస్తుతం షూటింగ్ ఎప్పుడు ప్రారంభం అవుతుంతో నేనూ ఎదురుచూస్తున్నాను. సినిమా గురించి పెద్దగా చెప్పలేను గానీ.. ఓ మ్యూజికల్ థ్రిల్లర్ అని మాత్రం చెప్పగలను’’ అంటూ ట్వీట్ చేసింది నీతూ! ఈ మూవీ షూటింగ్ ఈనెల 18వ తేదీ నుంచి ప్రారంభం కానుంది. ఈ మూవీపై నీతూ చంద్ర భారీగా అంచనాలు పెట్టుకుంది. ఈ మూవీతో తమిళంలో తన కెరీర్ మలుపుతిరుగుతుందనే నమ్మకంతో వుంది. మరి.. ఆమె నమ్మకాన్ని మూవీ నిలబెడుతుందో..? లేదో..? చూడాలి!