ట్రైలర్ : కన్ఫ్యూజన్ క్రియేట్ చేసిన ‘విలన్’...

Posted: 01/13/2015 11:51 AM IST

Kamal hassan uttama villain movie trailer release

లోకనాయకుడు కమల్ హాసన్ ‘విశ్వరూపం’ చిత్రం తర్వాత వరుసగా ‘విశ్వరూపం-2’, దృశ్యం తమిళ రీమేక్, ‘ఉత్తమ విలన్’ వంటి చిత్రాలతో బిజీగా వున్న విషయం తెలిసిందే! ఒకేసారి ఈ మూడు భారీ ప్రాజెక్టులతో ఫుల్ బిజీగా వున్న కమల్.. ‘ఉత్తమ విలన్’ మూవీ షూటింగ్’ని మాత్రం శరవేగంగా కంప్లీట్ చేసుకునే పనిలో మునిగిపోయాడు. నిజానికి ఈ చిత్రం షూటింగ్ మొదలై చాలారోజులే అయ్యింది కానీ.. క్యాస్టింగ్, మేకప్ విషయంలో చాలా జాగ్రత్తలు పాటించడంతో పనులు ఆలస్యంగా జరుగుతున్నాయి.

ఇదిలావుండగా.. తాజాగా ఈ మూవీకి సంబంధించి ఓ ట్రైలర్ రిలీజ్ అయ్యింది. ఇదివరకే ఈ చిత్రానికి సంబంధించి విడుదలైన ఫస్ట్’లుక్, టీజర్లకు ప్రేక్షకుల నుంచి భారీ స్పందన లభించింది. అయితే.. తాజాగా వచ్చిన ఈ ట్రైలర్’ను చూస్తుంటే.. కాస్త భిన్నంగా వున్నట్లు కనిపిస్తోంది. స్టోరీలైన్ ఏమాత్రం తెలియకుండా వుండేలా వున్న ఈ ట్రైలర్.. మొదటినుంచి చివరి వరకు మొత్తం కన్ఫ్యూజన్’గా వుంది.

ఇందులో కమల్ డ్యుయల్ రోల్ పోషిస్తున్నాడా..? లేదా..? అన్న అనుమానంతోపాటు అసలు విలన్ ఎవరు అన్నది అంతుపట్టడం లేదు. ప్రాచీన కథాచిత్రం బ్యాక్’డ్రాప్’తోబాటు ప్రస్తుత పరిణామాలను చూపింపిన ఆ ట్రైలర్ మొత్తం కొత్తగా వుంది. దీన్ని చూస్తుంటే.. కమల్ మరో ప్రయోగంతో ప్రేక్షకుల ముందుకు రానున్నాడని స్పష్టంగా అర్థమవుతోంది. మరి.. దీన్ని ప్రేక్షకులు ఎలా రిసీవ్ చేస్తారో రిలీజ్ వరకు వేచి చూడాల్సిందే!