మూడు ముక్కలాటలో శృతి ఫుల్ బిజీబిజీ!

Posted: 01/06/2015 03:24 PM IST

సినీ ఇండస్ట్రీలో హీరోయిన్’గానే కొనసాగుతూనే అందివచ్చిన ఐటమ్ సాంగులను కూడా వరుసగా చేస్తూ దూసుకుపోతున్న హాట్ బ్యూటీ శృతిహాసన్.. ప్రస్తుతం మూడు ముక్కలాటలో ఫుల్ బిజీగా వుందని చెబుతోంది. తన కెరీర్’లోనే ఎప్పుడూ లేని విధంగా ఈ ఆటలో దిగ్విజయంగా కొనసాగుతున్నానని, అందుకు తాను ఎంతో సంతోషంగా వున్నానంటూ ఆనందాన్ని వ్యక్తం చేస్తోంది అమ్మడు!

అసలు విషయం ఏమిటంటే - గతేడాదిలో రెండు లేదా మూడు సినిమాల్లో కనువిందు చేసిన శృతి.. ఈ ఏడాదిలో మాత్రం తనకు ఏకంగా ఏడు మూవీలు రిలీజులుంటాయని ఆనందంగా పేర్కొంటోంది. ప్రస్తుతం ఈ అమ్మడు తెలుగు, తమిళంతోబాటు బాలీవుడ్’లోనూ మూవీస్ చేస్తోంది. ముఖ్యంగా బాలీవుడ్’లో పెద్ద సక్సెస్ కొట్టాలన్న కసితో అక్కడ నాలుగు సినిమాలు చేస్తోంది. ఆ నాలుగు చిత్రాలు ఈ ఏడాదిలోనే రిలీజవుతాయని స్వయంగా చెబుతోంది.

ఇక తమిళంలో ‘పులి’ సినిమాలో చేస్తున్నట్లు తెలిపింది. ఆ చిత్రం తనను మరో కొత్త కోణంలో ప్రెజెంట్ చేస్తుందనీ, ఇందులో కాస్ట్యూమ్స్ కూడా కొత్తగా వుంటాయని తెలిపింది. ఇటు తెలుగులోనూ ఇప్పటికే మహేష్’బాబు సరసన ఓ చిత్రం చేస్తున్నానని పేర్కొన్న ఆమె.. తాజాగా కార్తీ, నాగార్జున కలిసి నటించే మల్టీస్టారర్’లో నటించేందుకు సంతకం చేసినట్లు చెప్పింది. ఇలా ఈ విధంగా ఈ ముద్దుగుమ్మ ఒకేసారి మూడు భాషల్లో కలిపి ఏడు సినిమాల్లో నటిస్తోంది.