పవన్ ఫస్ట్ లుక్ పై రేణు కామెంట్

Posted: 11/29/2014 08:30 AM IST

కాస్త గ్యాపు దొరికితే చాలు పవన్ పై కామెంట్లు చేసి సోషల్ మీడియాలో ట్రెండింగ్ ఐకాన్ గా ఉండే రేణు దేశాయ్ మరోసారి ఆయనపై స్పందించింది. తాజాగా విడుదల అయిన ‘గోపాల గోపాల’  ఫస్ట్ లుక్ పై కామెంట్ చేసింది. మోషన్ పోస్టర్ చూసిన రేణు.., ‘గోపాల గోపాల’ ఫస్ట్ లుక్ చూశాను. సరైన వ్యక్తికి సరైన పోస్టర్ గా ఇది ఉంది. ఆయన మాత్రమే అంత నిర్మలంగా, దైవత్వంతో కన్పించగలడు’ అంటూ పవన్ ను పొగడ్తలతో ముంచెత్తింది.

పవన్ పేరు ఎత్తితే పొగడ్తలు మొదలు  పెట్టే రేణు దేశాయ్ పోస్టర్ పట్ల సంతోషం వ్యక్తం చేసింది. ఇక ఈ పోస్టర్ పై చాలామంది  పాజిటివ్ కామెంట్లు చేస్తున్నారు. పోస్టర్ విడుదల కాకముందే చూసిన టాలీవుడ్ ప్రముఖులు కొందరు..., సూపర్బ్ లుక్ అని ప్రశంసించారు. అన్నట్లుగానే పోస్టర్ చాల  బాగుంది. ఆన్ లైన్ లో కూడా చాలా మంచి రెస్పాన్స్ వస్తోంది. మోషన్ పోస్టర్ శుక్రవారం సాయంత్రం విడుదల కాగా అర్ధరాత్రి లోపు నాలుగు లక్షల మందికి పైగా చూశారు. దీన్నిబట్టే ఫ్యాన్స్ లో ‘గోపాల గోపాల’సినిమాపై ఉన్న క్రేజ్ ఎలాంటిదో అర్థమవుతోంది.

గోపాలుడు సంక్రాంతికి వస్తున్న నేపథ్యంలో.. తాజా రెస్పాన్స్ చూస్తే మిగతా సినిమాల గుండెల్లో గుబులు పుట్టడం ఖాయమని ఫ్యాన్స్ కామెంట్లు చేస్తున్నారు. షూటింగ్  చివరిదశలో ఉన్న ఈ సినిమా త్వరలోనే పోస్ట్ ప్రొడక్షన్ పనులకు వెళ్ళనుంది. డిసెంబర్ లో సినిమా ఆడియో విడుదల కానుంది. సురేష్ ప్రొడక్షన్స్ బ్యానర్ పై, కిశోర్ డాలి డైరెక్షన్ లో తెరకెక్కుతున్న ఈ సినిమాలో పవన్ కృష్ణుడి వేషంలో కన్పిస్తున్న విషయం తెలిసిందే.