అర్పిత పెళ్ళితో అమీర్ కు ఇబ్బందులు

Posted: 11/20/2014 10:09 AM IST

Aamir khan on arpita marriage and salman shahrukh relation

వెంకి పెళ్ళి సుబ్బి చావుకు వచ్చినట్లుగా.., అర్పితా ఖాన్ పెళ్ళి.., అమీర్ ఖాన్ ను ఇబ్బంది పెట్టిందట. ఈ విషయం స్వయంగా పీకే హీరోనే చెప్పాడు. పెళ్ళికి ముందు జరిగిన సంగీత్ కార్యక్రమం తనను నిద్రలేకుండా చేసిందన్నారు. సంగీత్ కు తాను రాకపోయినా.., చాలా ఇబ్బంది పడినట్లు చెప్పాడు. అదెలాగంటే చాలా కాలంగా మాటల్లేని సల్మాన్ ఖాన్, షారూఖ్ ఖాన్ అర్పిత పెళ్ళి సందర్బంగా కలిశారు. సంగీత్ రోజు ఇద్దరు కలుసుకున్నారు. ఈ విషయాన్ని రాత్రి ఒంటిగంటకు ఫోన్ చేసి ముందు అమీర్ కే చెప్పారట. ఆ తర్వాత రెండున్నరకు మరోసారి ఫోన్ చేసిన ఇండస్ర్టీ మిత్రులు నాన్ స్టాప్ గా మాట్లాడారట.

తెల్లారినా వీరి మాటలు మాత్రం ఆగలేదు అని అమీర్ ఖాన్ నవ్వుతూ మీడియాకు చెప్పాడు. అలా అర్పిత సంగీత్ లో పాల్గొనకపోయినా పడుకోకుండా గడిపాను అని తన అనుభవం చెప్పుకొచ్చాడు. నవంబర్ 18న హైదరాబాద్ లోని ఫలక్ నమా ప్యాలెస్ లో అయుష్ శర్మతో అర్పిత వివాహం జరిగింది. అంగరంగ వైభవంగా జరిగిన వేడుకకు బాలీవుడ్, టాలీవుడ్ ప్రముఖులతో పాటు ఇతర రంగాలకు చెందిన వ్యక్తులు హాజరయ్యారు. ఇక ఈనెల 21న అంటే శుక్రవారం రోజు ముంబైలోని ఓ ఫైవ్ స్టార్ హోటల్ లో కొత్త జంట రిసెప్షన్ కార్యక్రమం జరగనుంది.

కార్తిక్