రోడ్డునపడ్డ స్టైలిష్ స్టార్

Posted: 11/10/2014 01:52 PM IST

స్టైలిష్ స్టార్ అల్లు అర్జున్ సినిమా గురించి వేచి చూస్తున్న అభిమానులకు ఓ శుభవార్త. ఆయన తాజా చిత్రం షూటింగ్ శరవేగంగా జరుగుతున్నట్లు తెలుస్తోంది. ప్రస్తుతం హైదరాబాద్ నగరంలో షూటింగ్ జరుగుతోందట. బిజీ రోడ్లపై, గల్లీల్లో బన్నీ షూటింగ్ జరుగుతున్నట్లు మూవీ యూనిట్ తెలిపింది. అర్జున్ తో నగరంలోముఖ్య సీన్లు షూట్ చేస్తున్నారట. ఈ విషయం తెలుసుకున్న ఫ్యాన్స్, హీరోను చూసేందుకు షూటింగ్ స్పాట్ కు వెళ్తున్నారు. నగరంలో బిజీ రోడ్లు, గల్లీలు అంటే బహుశా ఫైట్ సీన్లు లేదా ఇతర టర్నింగ్ పాయింట్ సీన్ల షూటింగ్ అని ఊహించవచ్చు.

ఈ షూటింగ్ పూర్తయితే ఇక ఊటిలో షూటింగ్ షెడ్యూల్ ప్లాన్ చేస్తారని తెలుస్తోంది. ముందుగానే ఊటి షూటింగ్ జరుగుతుందని అనుకున్నా.., పలు కారణాలతో ఈ షెడ్యూల్ మారినట్లు తెలుస్తోంది. వచ్చే ఏడాది వేసవిలో సినిమా విడుదల చేసేందుకు సన్నాహాలు చేస్తున్నారు. ‘జులాయి’ హిట్ తర్వాత వస్తున్న ఈ మూవీలో ముగ్గురు హీరోయన్లు ( సమంత, అదాశర్మ, నిత్య మీనన్) ఉన్నారు. ఈ మూవీని హరిక హాసిని బ్యానర్స్ పై రాధాకృష్ణ నిర్మిస్తున్నారు. దేవిశ్రీ ప్రసాద్ సంగీతం అందిస్తున్నాడు.

కార్తిక్