‘‘మస్తీజాదే’’ చిత్రంలో సన్నీ హాట్ షాట్!

Posted: 11/03/2014 02:49 PM IST

మాజీ శృంగారతార సన్నీలియోన్ ఇదివరకటి నటించిన సినిమాలన్నంటిలోనూ దాదాపు తన పూర్తి అందాలను ఆరబోసింది కానీ... అవి అంతగా రక్తకట్టించలేదంటూ ప్రేక్షకులు నిరాశపడ్డారు. శృంగారతార అయిన సన్నీని ఏ తరహాలో చూపించాలో అలా సినిమాల్లో చూపించడం లేదంటూ ప్రేక్షకులు గతంలో ఆవేదన కూడా వ్యక్తం చేసిన సందర్భాలున్నాయి. అందుకేనేమో.. ఇప్పుడు తాజాగా ఈ అమ్మడు నటిస్తున్న సినిమాల్లో గతంలోకంటే ఎక్కువగా అందాల ఆరబోతకు సిద్ధమైనట్టు తెలుస్తోంది. తాజాగా ఈ అమ్మడికి సంబంధించిన సెక్సీ ఫోటో బాగానే హల్ చల్ చేస్తోంది.

ప్రస్తుతం సన్నీలియోన్ బాలీవుడ్ లో రెండు చిత్రాల్లో నటిస్తోంది. అందులో ముందుగా ‘‘మస్తీజాదే’’ సినిమా షూటింగ్ శరవేగంగా జరుపుకుంటోంది. ఇంకా ఈ సినిమాకు సంబంధించి ట్రైలర్ రిలీజ్ అవ్వలేదు కానీ.. సన్నీ బికినీ ఫోటోలు రిలీజ్ చేసి బాగానే పబ్లిసిటీ చేసుకుంటున్నారు. ఇటీవలే విడుదలైన ఆ ఫోటోలకు యువకులను మంచి స్పందనే లభించింది. ఇదిలావుండగా.. తాజాగా ఆ మూవీలో సన్నీ రెడ్ బికినీలో వున్న హాట్ ఫోటో మరొకటి రిలీజ్ అయ్యింది. అయితే ఆ ఫోటోను రిలీజ్ చేసింది ఆ మూవీ యూనిట్ సభ్యులు కాదు... స్వయంగా తానే ఎంతో కష్టపడి అభిమానుల కోసం ట్విటర్ లో పెట్టానంటూ వయ్యారాలు పోతోంది ఈ సెక్సీ బ్యూటీ!

తాను నటిస్తున్న ‘‘మస్తీజాదే’’ సినిమాలో ఓ సన్నివేశం కోసం ఎంతగానో కష్టపడ్డానని.. ఆ సీన్ లో తాను రెడ్ బికినీలో చాలా హాట్ అండ్ సెక్సీగా కనువిందు చేస్తున్నానని తెలిపి మరీ విడుదల చేసింది అమ్మడు. పైగా ఆ బికినీ ఫోటోను అభిమానులకోసం డైరెక్టర్ కంప్యూటర్ నుంచి దొంగలించి మరీ పెట్టానంటూ ట్విటర్ లో కబుర్లూ చెబుతోంది ఈ అమ్మడు! అయితే ఇదంతా సినిమా పబ్లిసిటీ కోసమే సన్నీ తన హాట్ ఫోటోను రిలీజ్ చేసి, ప్రేక్షకుల్ని రక్తికట్టిస్తోందని విశ్లేషకులు చెబుతున్నారు. నిజానికి బాలీవుడ్ లో ఒక మూవీ షూటింగ్ ప్రారంభం అయినప్పటినుంచి రిలీజ్ వరకు ఏదో ఒకవిధంగా పబ్లిసిటీ చేసుకుంటూనే వుంటారు. వివాదాలు, హాట్ సన్నివేశాలు, హాట్ ఫోటోలు రిలీజ్ చేస్తూ తమ సినిమాకు బాగానే ప్రచారం చేసుకుంటారు. ఇప్పుడు సన్నీ కూడా అదే తరహాలో సన్నీ తన అందాల ఆరబోతతో తన సినిమాకు ప్రమోషన్ చేసుకుంటోందని చెబుతున్నారు.

AS