గోపి ఇంట్లోకి గోపాలుడు వచ్చాడు

Posted: 10/13/2014 03:42 PM IST

హీరో గోపిచంద్ సంబరాలు చేసుకుంటున్నాడు. తన ఇంట్లోకి గోపాలుడు వచ్చాడని తెగ సంబరపడుతున్నాడు. గోపిచంద్-రేష్మ దంపతులకు మగబిడ్డ పుట్టాడు.  హైదరాబాద్ లోని ఓ ఆస్పత్రిలో రేష్మ ఈ ఉదయం పండంటి మగశిశువుకు జన్మనిచ్చింది. తల్లి, బిడ్డ ఇద్దరూ క్షేమంగా ఉన్నట్లు ఆస్పత్రి వర్గాలు తెలిపాయి. ఈ విషయం తెలుసుకున్న సినీ ప్రముఖులు గోపిచంద్ కు అభినందనలు తెలిపారు. గోపి ఇంట్లోకి మరో గోపాలుడు వచ్చాడు అని అంతా కామెంట్లు చేస్తున్నారు.

కెరీర్ ప్రారంభంలో దూకుడుగా సినిమాల్లో నటించిన గోపిచంద్ సినిమా కెరీర్.., మద్యలో కాస్త నెమ్మదించింది. ఆ తర్వాత మళ్ళీ ‘సాహసం’తో హిట్ కొట్టి తానేంటో నిరూపించుకున్నాడు. తాజాగా ఆయన నటించిన ‘లౌక్యం’ సినిమా కూడా హిట్ అయింది. తాజాగా హీరోకు వారసుడు వచ్చాడు. ఇలా ఈ ఏడాది అంతా ఆయనకు సంతోషాల సంవత్సరంగా నిలుస్తుంది. ఈ సందర్బంగా గోపిచంద్ కు తెలుగు విశేష్ శుభాకాంక్షలు తెలుపుతోంది.

కార్తిక్