ఛీఛీ అంటూనే.. ముంబై పిల్ల ఒప్పేసుకుంది!

Posted: 08/09/2014 01:27 PM IST

Zarine khan ready to do item song in tollywood

బాలీవుడ్ కండలవీరుడు సల్మాన్ ఖాన్ సరసన ‘‘వీర్’’ సినిమాలో తళుక్కుమని మెరిసిన ముంబై ముద్దుగుమ్మ జరీన్ ఖాన్... జూనియర్ కత్రినా కైఫ్ గా పేరు నమోదు చేసుకుంది. మొదట ఆ సినిమాలో ఈమెను చూసిన ప్రతిఒక్కరు కత్రినా కైఫే అంటూ దాదాపు ఫిక్స్ అయిపోయారు. మరికొంతమంది కత్రినా కైఫ్ కొంచెం బొద్దుగా తయారయ్యిందని కామెంట్లు కూడా చేశారు. కానీ చివరగా ఆమె కత్రినా కాదని తేలిపోయింది. అయితే ఆరోజు నుంచి మాత్రం ఈమెను జూనియర్ కత్రినా కైఫ్ గా పరిగణించడం మొదలుపెట్టేశారు. ఆ దెబ్బతో ఈమెకు సినిమా అవకాశాలు వస్తాయని ఈమెతోపాటు అందరూ భావించినా.. అలా జరగలేదు. ఏదో అప్పుడప్పుడు చిన్నాచితకా సినిమాలు, ఐటమ్ సాంగ్ లు చేసుకుంటూ కాలం గడుపుతోంది.

ఇదిలావుండగా.. తాజాగా హైదరాబాద్ నోవాటెల్ లో హైచ్ఐసీసీలో నిర్వహించిన ఫ్యాషన్ షోలో కనువిందు చేసి, అందరినీ ఆకర్షించింది. ఈ నేపథ్యంలోనే ఆమె మీడియా ప్రతినిథులతో కాసేపు ముచ్చటించింది. తన సినిమా కెరీర్ కు సంబంధించి కొన్ని విషయాలను చెప్పిన జరీన్ ఖాన్... ‘‘మీరు తెలుగులో ఐటమ్ సాంగ్ చేయడానికి రెడీయేనా..?’’ అన్న ప్రశ్నకు.. ‘‘ఛీఛీ.. నేను ఇక ఐటమ్ సాంగ్స్ చేయను’’ చెప్పింది. ‘‘రెడీ సినిమాలో నేను చేసిన క్యారెక్టర్ ఢీలా ఐటమ్ సాంగ్ కేవలం సల్మాన్ ఖాన్ కోసం మాత్రమేనని.. అంతేగానీ ఐటం సాంగ్స్ చేయడం ఇష్టం లేదని’’ ఆమె తేల్చి చెప్పింది. మరీ తమిళంలో ఎందుకు చేశావ్..? అని అడిగితే.. ‘‘ఆ పాట నాకు పిచ్చపిచ్చగా నచ్చింది. అందుకే చేశాను’’ అని చెప్పింది.

ఇంతవరక బాగానే వుంది కానీ.. ఈ అమ్మాయి ఏమనుకుందో ఏమో.. సడెన్ గా ఫ్లేటు ఫిరాయించింది. జీవితంలో ఐటమ్ సాంగులే చేయను బాబోయ్ అని స్పష్టం చేసిన ఈ భామ.. తెలుగులో ఐటెం నెంబర్ చేయడానికి రెడీ అని ఒప్పేసుకుంది. టాలీవుడ్ లో ఛాన్స్ వస్తే నేను తప్పకుండా నటిస్తాను. అది ఐటెం సాంగ్ అయినా సరే, కానీ మంచి గుర్తింపు తెచ్చేదిగా వుండాలి’’ అని కండిషన్ పెడుతూ ఐటం సాంగ్ లకు సై అని ఒప్పేసుకుంది. హైదరాబాద్ లో నిర్వహించిన ఈ ఫ్యాషన్ షోతో పాటు జరీన్ ఖాన్ అన్ని ఇతర ప్రాంతాల్లో నిర్వహిస్తున్న ఫ్యాషన్ షోల్లో కూడా తరుచుగా పాల్గొంటోంది.