ఓపెనింగ్ కలెక్షన్లలో కృష్ణయ్య కింగ్ ???

Posted: 07/05/2014 03:55 PM IST

టాలీవుడ్ లో నిన్న విడుదల అయిన చిన్న సినిమా ‘రారా కృష్ణయ్య ’. ‘వెంకటాద్రి ఎక్స్ ప్రెస్ ’ ఫేం సందీప్ కిషన్, రెజీనా జంటగా నటించిన చిత్రం టాక్ యావరేజ్ అని వచ్చింది. కానీ ఓపెనింగ్ కలెక్షన్స్ మాత్రం స్టార్ హీరోల సినిమాలకు వచ్చినట్లు దిమ్మ తిరిగే రేంజ్ లో వస్తుండటం చూసి ఇండస్ట్రీలోని వారు విస్మమయానికి గురవుతున్నారు.

ఈ సినిమాకు మొదటి రోజు నాలుగు షోలు రిలీజ్ అయిన థియేటర్లన్నీ హౌజ్ ఫుల్ గా కనిపించడానికి కారణాలు వెతికితే... ఈయన గత చిత్రం సక్సెస్ తో పాటు, రెజీనా అందాల కూడా ఈ సినిమాకు ప్రేక్షకులు వచ్చే విధంగా చేస్తున్నాయని ఓ అంచనాకు వచ్చారు. అదీ కాకుండా ప్రస్తుతం బాక్సీఫీసు వద్ద పెద్ద సినిమాలు లేకపోవడం కూడా ఈ సినిమాకు కలిసొచ్చిందని చెబుతున్నారు.

ఇదే పరిస్థితి మొదటి వారం కంటిన్యూ అయితే నిర్మాతకు కాసుల వర్షం కురిసినట్లే. మొత్తంగా సందీప్ కిషన్ నటించిన ఈ సినిమా ఆయన ఖాతాలో యావరేజ్ గా మిగిలిన ఓపెనింగ్స్ పరంగా సక్సెస్ అయ్యినట్లే.

knr