23న నరేష్ జంప్ జిలానీ

Posted: 05/19/2014 03:18 PM IST

Allari naresh jump jilani first look release

తమిళంలో విజయం సాధించిన ‘కల కలప్ప’ చిత్రాన్ని తెలుగులో అల్లరి నరేష్ హీరోగా ‘‘జంప్ జిలానీ’’ అనే పేరుతో రీమేక్ చేస్తున్నారు. నరేష్ ద్విపాత్రాభినయం చేస్తున్న ఈ సినిమా ఫస్ట్ లుక్ పోస్టర్లు, ఫోటోలు ఇప్పటికే విడుదలై మంచి రెస్పాన్స్ ను సొంతం చేసుకుంటున్నాయి. ఈ సత్తిబాబు దర్శకత్వంలో తెరకెక్కుతున్న ఈ చిత్ర ఫస్ట్ లుక్ టీజర్ ను ఈనెల 23 న విడుదల చేయనున్నారు.

వెంకటేశ్వరా ఆర్ట్ ప్రొడక్షన్స్ బ్యానర్ లో అంబికా సోదరులు నిర్మిస్తున్నారు. తమిళంలో విజయం సాధించినట్లుగానే తెలుగులో కూడా మంచి విజయం సాధిస్తుందనే నమ్మకంతో ఉన్నారు చిత్ర యూనిట్ సభ్యులు. ఈ చిత్రాన్ని త్వరలోనే ప్రేక్షకుల ముందుకు తీసుకురానున్నారు. నరేష్ సరసన ఇషా చావ్లా, స్వాతి దీక్షిత్ హీరోయిన్లుగా నటిస్తున్నారు. ‘‘సుడిగాడు’’ చిత్రం తర్వాత నరేష్ ద్విపాత్రాభినయం చేస్తున్న ఈ సినిమా అంతటి ఘనవిజయాన్ని సొంతం చేసుకుంటుందని చిత్ర యూనిట్ ఆశాభావం వ్యక్తం చేస్తున్నారు. ఈ చిత్రానికి సంబంధించిన మరిన్ని వివరాలు త్వరలోనే తెలియనున్నాయి.