రజినీ ఫ్యాన్స్ కి తప్పని నిరీక్షణ

Posted: 05/08/2014 09:03 AM IST

సౌత్ ఇండియా సూపర్ స్టార్ నటించిన ‘కొచ్చాడయాన్ ’ సినిమాకు ముహూర్తం అస్సలు కుదరట్లేదు. ఈ సినిమాను ఇప్పటికే పలుమార్లు వాయిదా వేసిన ఆ చిత్రయూనిట్ తాజాగా మరోసారి రెండు వారాల పాటు వాయిదా వేస్తున్నట్లు అఫీషియల్ ప్రకటన చేశారు. ముందు ప్రకటించిన తేది ప్రకారం ఈ సినిమాను ఈనెల 9వ తేదీన ప్రపంచ వ్యాప్తంగా విడుదల చేయాలి. భారీ ఎత్తున విడుదల అవుతున్న ఈ సినిమా టిక్కెట్లు 13 వేల వరకు చెన్నై మల్టీప్లెక్సుల్లో అమ్ముడయ్యాయి. కానీ తీరా ఈ సినిమాను వాయిదా వేస్తున్నట్లు ప్రకటించడంతో ఫ్యాన్స్ నిరాశ చెందారు.

సాంకేతిక కారణాల వల్లే ఈ సినిమాను వాయిదా వేస్తున్నట్లు చెప్పారు. అయితే సినిమా వర్గాల నుండి విసిపిస్తున్న సమాచారం ప్రకారం ఈ సినిమా వాయిదాకు ఆర్థిక కారణాలే కారణం అని అంటున్నారు. ఏదేమైనా ‘కొచ్చాడియాన్ ’ బొమ్మ పడాలంటే మరో రెండు వారాలు ఆగాల్సిందే. ఈరోస్ ఇంటర్నేషనల్ సంస్థ భారీ బడ్జెట్ తో నిర్మించిన ఈ సినిమాకు రజినీకాంత్ కుమార్తె దర్శకత్వం వహించాడు. భారతీయ చలన చిత్ర పరిశ్రమలో మోషన్ కాప్చర్ చిత్రంగా తెరకెక్కిన ఈ సినిమా భారీ అంచనాలు నెలకొన్నాయి.