బాలీవుడ్ రేసు లోకి గుర్రం

Posted: 04/17/2014 05:53 PM IST

స్టైలిష్ స్టార్ అల్లు అర్జున్ - స్టైలిష్ డైరెక్టర్ సురేందర్ రెడ్డి దర్శకత్వంలో వచ్చిన ‘రేసు గుర్రం ’ సినిమా మంచి హిట్ టాక్ తెచ్చుకోవడమే కాకుండా కలెక్షన్ల పరంగా కూడా గుర్రంలా దూసుకుపోతుంది. యాభై కోట్ల క్లబ్ దిశగా దూసుకుపోతున్న ఈ సినిమాను బాలీవుడ్ లో రీమేక్ చేయాలనే ప్లాన్ చేస్తున్నారట అక్కడి నిర్మాతలు. గతంలో సురేందర్ రెడ్డి దర్శకత్వం వహించిన ‘ఊసరవెల్లి ’ సినిమాను బాలీవుడ్ లో రీమేక్ చేయాలని ప్రయత్నాలు చేసినా కొన్ని కారణాల వల్ల అది కార్యరూపం దాల్చలేదు.

కానీ ఇప్పుడు ఆయన దర్శకత్వం వహించిన ‘రేసు గుర్రం ’ మంచి విజయాన్ని సాధించడంతో ఈ సినిమాను ఖచ్చితంగా తెరకెక్కించాలని భావిస్తున్నారట. దానికి దర్శకుడు కూడా గ్రీన్ సిగ్నల్ ఇవ్వడానికి రెడీగా ఉన్నాడు. అక్కడి జనాలకు అనుగుణంగా కథలో కొన్ని చేర్పులు మార్పులు చేయనున్నారట. బాలీవుడ్ లో తెరకెక్కబోయే ఈ సినిమాలో బన్నీ పాత్రను ఎవరు పోషిస్తారో చూడాలి.