కోన వెంకట్ గాల్లో తేలిపోతున్నాడు

Posted: 04/16/2014 03:06 PM IST

తెలుగు సినిమా ఇండస్ట్రీలో తనకంటూ ఓ ప్రత్యేకతను చాటుకొని, మంచి రచయితగా పేరు తెచ్చుకున్న కోన వెంకట్ కి జీవితంలో మరచిపోలేని కానుక వచ్చింది టాలీవుడ్ స్టార్ హీరో నుండి. ఆ కానుకను చూసుకొని తెగ మురిసిపోతున్నాడు వెంకట్. ఇంతకు కోన వెంకటన్ కి గిప్ట్ ఇచ్చింది ఎవరో తెలుసా పవర్ స్టార్ పవన్ కళ్యాణ్. రచయిత నుండి మెగా ఫోన్ పట్టి దర్శకుడిగా మారి తాను దర్శకత్వం వహిస్తున్న ‘గీతాంజలి ’ సినిమా లోగోను పవన్ కళ్యాణ్ తో విడుదల చేయించాడు.

ఈ సినిమా లోగో విడుదల తరువాత పవన్ కళ్యాణ్ కోనవెంకట్ కి తాను సమకాలీన రాజకీయాల పై రాసిన ‘ఇజం ’ పుస్తకాన్ని గిఫ్టుగా ఇవ్వడమే కాకుండా, మొదటి పేజీలో ‘‘ప్రియమైన సోదరుడు కొనకు….ప్రేమతో పవన్ ’’ అంటూ రాసి సంతకం కూడా చేశాడు. ఇది చూసుకొని ఇప్పుడు కోన వెంకట్ తెగ మురిసిపోతున్నాడు.

పవన్ ఇచ్చిన గిఫ్టు సంతోషంలో తేలిపోతున్న కోన వెంకట్ ఆ పుస్తకాన్ని చదివాడో లేదో కానీ, ఆ సంతోషంలో మొదటి పేజీకి స్కాన్ చేసి ట్విట్టర్ లో పోస్టు కూడా చేశాడు. ఈ సంఘటనతో పవన్ కళ్యాణ్ కి కోన వెంకట్ కి మధ్య ఎలాంటి ఫ్రెండ్ షిప్ ఉందో అందరికి తెలిసిందంటున్నారు వారిద్దరి సన్నిహితులు.