భారీ రేటుకు శాటిలైట్స్ రైట్స్

Posted: 04/14/2014 06:13 PM IST

అల్లు అర్జున్ కి తన కొడుకు పుట్టిన తరువాత అన్ని కలిసి వస్తున్నాయనే చెప్పాలి. ఆయన జన్మించిన తరువాత విడుదల ‘రేసు గుర్రం ’ హిట్ టాక్ రావడమే కాకుండా, బాక్సాఫీసు కలెక్షన్లలో కూడ దూసుకుపోతుంది. మూడు రోజుల్లోనే 20 కోట్లు రాబట్టిన ఈ చిత్రం యొక్క శాటిలైట్స్ రైట్స్ కూడా భారీ రేటుకు అమ్ముడు పోయాయి. బాలయ్య సినిమా కంటే ఒకటిన్నర కోట్ల రూపాయలకు అంటే 7.50 కోట్ల భారీ రేటు చెల్లించి, జెమినీ టీవీ సొంత చేసుకుంది. ఇప్పటి వరకు అల్లు అర్జున్ కెరియర్లో ఈ సినిమానే హైయెస్ట్ రేటు పలికింది.

దర్శకుడు సురేందర్ రెడ్డి రొటీన్ స్టోరీతో తెరకెక్కినా అందులో పూర్తి కమర్షియల్ ఎలిమెంట్స్ తో పాటు, కావాల్సినంత వినోదాన్ని జోడించడంతో సినిమాకు ఢోకా లేకుండా పోయింది. ఈ సినిమాను అల్లు అర్జున్, బ్రహ్మానందంలే తన భుజాల పై మోసారని చెప్పవచ్చు. చిత్రం చివర్లో బ్రహ్మీ కామెడీ హైలెట్ గా ఉండటంతో పాటు, థమన్ మ్యూజిక్, శ్రుతి హాసన్ అందాలు ప్రేక్షకులను కనుల విందు చేస్తున్నాయి. ఇటివల ఘనవిజయం సాదించిన ‘లెజెండ్ ’  శాటిలైట్ హక్కులను కూడా జెమినీ టీవీ నే సొంతం చేసుకుంది.