శీను వైట్ల తో రామ్ చరణ్ సినిమా

Posted: 04/09/2014 08:47 PM IST

మెగా పవర్ స్టార్ రామ్ చరణ్ తేజ్ వరుస సినిమాలకు కమీట్ అవుతూ బిజీగా ఉన్నాడు. ప్రస్తుతం క్రియేటివ్ దర్శకుడు క్రిష్ణవంశీ దర్శకత్వంలో ‘గోవిందుడు అందరి వాడేలే ’ చిత్రంలో నటిస్తున్న చెర్రీ కామెడీ అండ్ ఫ్యామిలీ ఎంటర్ టైనర్ చిత్రాల దర్శకుడు అయిన శీను వైట్ల చిత్రంలో నటించడానికి ఒప్పుకున్నాడు. గత కొంత కాలం క్రితం నుండే వీరిద్దరి కాంబినేషన్లో ఓ సినిమా రాబోతుందనే వార్తలు ఇప్పుడు నిజం అయ్యాయి.

ఈ చిత్రం షూటింగును ఆగష్టులో ప్రారంభించడానికి సన్నాహాలు జరుగుతున్నాయి. చరణ్ తో ఆమధ్య ‘నాయక్ ’ సినిమా నిర్మించిన డీవీవీ దానయ్య ఈ సినిమాను నిర్మించబోతున్నాడు. అవుట్ అండ్ అవుట్ ఎంటర్ టైనర్ గా రూపొందబోయే ఈ సినిమా పూర్తి వివరాలు త్వరలో వెల్లడికానున్నాయి. ప్రస్తుతం మహేష్ తో ఆగడు సినిమా చేస్తున్న శీను వైట్ల తరువాత చరణ్ సినిమాకు మెరుగులు దిద్దుతాడని అంటున్నారు.