నేను షకీలా ఆత్మకథ లోనా ?

Posted: 02/26/2014 10:43 AM IST

ఒకప్పుడు వెండితెర పై  శృంగార తారగా ఓ వెలుగు వెలిగిన షకీలా అంటే తెలియని సినీ ప్రేక్షకుడు ఉండరు. సౌత్ సినిమా ఇండస్ట్రీలో ఎన్నో సంచలనాలకు తెరలేపిన ఈ అమ్మడు గత కొంత కాలం నుండి అవకాశాలు తగ్గడంతో తెర మరుగు అయ్యింది. ఎలాగు ఖాళీయే కదా అని..ఇటీవల తన జీవిత కథ ను పుస్తకం గా ఆవిష్కరించింది.

అందులో చాలా సంచలనాత్మకమైన విషయాలను రాసినట్లు సమాచారం. ఈ పుస్తకం విడుదల తరువాత ఎన్ని సంచనాలు  స్రుష్టిస్తుందో కానీ.... దానికంటే ముందే ఆమె ఆత్మకథ ఆధారంగా ఓ సినిమాను తెరకెక్కించేందుకు సన్నాహాలు చేస్తున్నారని, ఇందులో హీరోయిన్‌గా తెలుగు సీతమ్మగా పేరొందిన అంజ‌లి నటించబోతుందని గత కొన్ని రోజులుగా వార్తలు వినిపిస్తున్నాయి.

ఈ విషయం పై అంజలి స్పంధిస్తూ షకీలా ఆత్మ క‌థ‌లో నేను న‌టిస్తున్నట్లు వస్తున్న వార్తల్లో ఎలాంటి నిజం లేదని, నాపై ఎవరో కావాల‌నే ఈ విధ‌మైన వార్తలు పుట్టించి ప్రచారం చేస్తున్నారని, ఇవన్ని వట్టి పుకార్లే అని చెప్పింది. షకీలా ఆత్మకథ సినిమాగా తెరకెక్కితే అందులో నటించే హీరోయిన్ కి ఫుల్ పబ్లిసిటీ రావడం మాత్రం ఖాయం. పబ్లిసిటీ కోసం పాకులాడే ఏ భామైనా ఇందులో నటించ్చొచ్చు.

Knr