పవన్ రేంజ్ అంటే ఇది ...

Posted: 02/15/2014 12:56 PM IST

Pawan remuneration 10 crores for 15 minutes

హీరో పవన్ కళ్యాణ్ ప్రస్తుతం టాలీవుడ్ టాప్ రేంజ్ లో దూసుకుపోతున్నాడు. ‘గబ్బర్ సింగ్ ’, ‘అత్తారింటికి దారేది ’ సినిమాలతో తన స్టార్ డమ్ పీక్ స్టేజ్ కి వెళ్లడమే కాకుండా పారితోషికం కూడా చాలా హైలోకి వెళ్లింది. తన సినిమా కోసం పారితోషికం తీసుకోకుండా వచ్చిన షేర్ లో పర్సంటేజ్ తీసుకునే పవన్ ఇప్పుడు ఓ సినిమాలో చిన్న పాత్ర కోసం మాత్రం అక్షరాల పదికోట్లు తీసుకుంటున్నారు.

కేవలం 10 నుండి 15 నిమిషాలు మాత్రమే ఉండే ఈ పాత్రకు అంత ఇవ్వడానికి కూడా నిర్మాతలు ఏ మాత్రం వెనకాడటం లేదని అంటున్నారు. ఇంతకీ విషయం ఏంటంటే విక్టరీ వెంకటేష్, పవన్ కళ్యాణ్ కాంబినేషన్లో హిందీ చిత్రం ‘ఓ మై గాడ్ ’ రీమేక్ చేయబోతున్నట్లు వార్తలు వచ్చిన విషయం తెలిసిందే. ఈ సినిమా లో పవన్ హిందీలో అక్షయ్ కుమార్ పోషించిన ‘క్రుష్ణుడి ’ పాత్ర పోషించబోతున్నాడు. ఇందుకోసం పవన్ 10 కోట్లు అందుకోబోతున్నాడట. ఇక పరేష్ రావల్ పోషించిన పాత్రలో వెంకటేష్ నటించబోతున్నాడు.

ఇక్కడ విశేషం ఏంటంటే... పవన్ చేయబోయే ‘గబ్బర్ సింగ్ -2 ’ చిత్రానికి ముందే ఈ సినిమా వస్తుందట. ‘అత్తారింటికి దారేది ’ తరువాత ఎలాంటి ప్రాజెక్టు మొదలు పెట్టని పవన్ త్వరలో ఈ సినిమా షూటింగు పూర్తి చేసే తరువాత తన సొంత ప్రాజెక్టుల్లో బిజీ అయిపోతాడని అంటున్నారు. సురేష్ ప్రొడక్షన్స్, పవన్ స్నేహితుడు శరత్ మరార్ సంయుక్తంగా నిర్మించే ఈ చిత్రానికి డాలీ దర్శకత్వం వహించబోతున్నాడు. అన్నీ అనుకున్నట్లు జరిగితే ఈ చిత్రం దసరా కానుకగా ప్రేక్షకుల ముందుకు రానుంది.

Knr