బిజినెస్ చూస్తే ‘హార్ట్ ఎటాక్ ’ వస్తోంది

Posted: 01/27/2014 03:08 PM IST

Heart attack moive pre release business 20 crores

వరుసగా రెండు హిట్ చిత్రాలతో మళ్ళీ ఫాంలోకి వచ్చిన యంగ్ హీరో ప్రస్తుతం పూరీ జగన్నాథ్ దర్శకత్వంలో హార్ట్ ఎటాక్ సినిమాలో నటించిన విషయం తెలిసిందే. ఈ సినిమాను ఈనెల 31 వ తేదీన ప్రేక్షకుల ముందుకు తీసుకొని రాబోతున్నారు. త్వరలో సెన్సార్ కి వెళ్లనున్న ఈ సినిమా భారీ స్థాయిలో బిజినెస్ జరుపుకుందని తెలుస్తుంది.

దాదాపు 23 కోట్ల రూపాలయ బడ్జెట్ తో తెరకెక్కించిన ఈసినిమా ఇప్పటికే 20 కోట్ల రూపాయలకు రాబట్టకున్నందని అంటున్నారు. నైజాంలో ఈ చిత్రం హక్కుల్ని 6 కోట్లకి, సీడెడ్‌లో 2 కోట్లకి, ఆంధ్రాలో 8 కోట్లకు అమ్మారని తెలుస్తోంది. శాటిలైట్ హక్కుల్ని జెమినీ టెలివిజన్ వారు 4 కోట్లు పెట్టి కొన్నట్లు చెబుతున్నారు. ఓవర్సీస్ ఎంతకు పోయిందో తెలియాల్సి ఉంది.

అది కూడా మంచి రేటు పలికితే సినిమా పెట్టిన పెట్టుబడి వచ్చేసినట్లేనని, సినిమా విడుదల అయ్యి కాస్తంత పాజిటివ్ టాక్ తెచ్చుకుంటే నిర్మాతలకు లాభాల పంట పండినట్లే అంటున్నారు. ఈ సినినిమా ఇంత బిజినెస్ చేయడానికి నితిన్ గత రెండు సినిమాల కలెక్షన్లు, పూరీ జగన్నాథ్ దర్శకత్వం వహించడమే కారణం అంటున్నారు. నితిన్ సరసన మొదటి సారిగా అదా శర్మ నటించిన ఈ చిత్రం ప్రేక్షకుల ‘హ్రుదయాల్ని ’ దోచుకుంటుందో లేదో చూడాలి.