‘మనం ’ సినిమా పై వర్మ కామెంట్లు

Posted: 01/27/2014 06:01 PM IST

రామ్ గోపాల్ వర్మ... సినిమా ఇండస్ట్రీలో వివాదస్పద వ్యాఖ్యలకు బ్రాండ్ అంబాసిడర్. తన మదికి ఏ ఆలోచన వచ్చినా ముందు వెనకా ఆలోచించకుండా కామెంట్లు పోస్టు చేస్తాడు. వీటిల్లో అన్నీ కాంట్రవర్షియల్ గానే ఉంటాయి. ఎప్పుడు ఇతరుల పై కామెంట్లు చేసే వర్మ ఈ సారి మాత్రం పలువురితో విమర్శలు ఎదుర్కొన్నాడు.

కారణం ఆయనకు సినిమా లైఫ్ ని ఇచ్చిన అన్నపూర్ణ స్టూడియోస్ అధినేత , ప్రముఖ నటుడు అక్కినేని నాగేశ్వర రావు చనిపోతే కనీసం కడసారి కూడా చూడటానికి వెళ్ళలేదు. ఈ విమర్శలన్నింటిని మౌనంగా భరించిన ఆయన వాటిని కవర్ చేసుకునే పనిలో పడ్డాడు.

ఆయన ఉన్నట్లుండి అక్కినేని త్రయం నటించిన ‘మనం ’ సినిమా గురించి కొన్ని ట్వీట్ చేస్తూ... ‘మనం ’ సినిమాలో కొన్ని సన్నివేశాలు చాలా అద్బుతంగా ఉన్నాయని, ఆ సినిమాకు దర్శకత్వం వహించిన విక్రమ్ కె. కుమార్ చాలా బాగా తెరకెక్కించాడని, అందులో అక్కినేని నటన మరచిపోనిదిగా మిగిలి పోతుందని రాశాడు. అయినా అక్కినేని పోయినప్పుడు ఏమీ మాట్లాడని వర్మ ఇప్పుడిలా ఎందుకు ట్వీట్ చేసినట్లో.